Recientemente a tuma luga e evento Jellow House na Hulanda, caminda e delegacion di Aruba por a haya un bista riba presentacion di Rubianonan cu ta forma parti di e estudio aki. Alumno Juean Orman, cu na e momento aki ta studiando Global Music, a duna un splicacion di con ta forma nan grupo di musico pa asina presenta na e proyecto den e conservatorium.

Codarts Hogeschool voor de Kunsten ta un universidad vocacional Hulandes na Rotterdam cu ta siña musica, baile y circo.

E conservatorio di Rotterdam ta un di e esnan mas grandi na Hulanda, cu mas di 900 studiante. E ta ofreco curso caminda studiantenan por obtene un titulo di bachelor den varios disciplina: Teatro Musical, Pop, Jazz, Composicion/areglo, Produccion di Musica, Tango Argentino, Musica Indjan, Flamenco, Latin/Latin jazz/Brasileño, Musica Turco, Musica Clasico, y Educacion Musical.

E scol ta organisa presentacionnan pa publico, hopi biaha den sala di concierto De Doelen cu ta cerca. Pa e ocasion aki a invita e grupo di asambeho “ARB Brassband” pa presenta den luna di september.

Un ambiente spectacular ta locual a tuma luga durante nan presentacion, e publico a biba cu locual nan a bin cu ne. Hopi di studiante ta bin di diferente parti mundo, cu nunca a experencia e tipo di musica aki, e asambeho di Aruba, e ta algo cu a sorprende hopi di nan.

Juean Orman a expresa cu e tabata un placer di por a presenta e calor y musica cu ta representa nos isla, e ambiente contagioso cu Aruba tin pa ofrece.

Pa locual ta trata e banda, ARB Brassband ta consisti di su gran mayoria di Rubiano, pero intencion ta pa incorpora studiantenan internacional, como tambe di nos islanan ruman y asina expande e musica di asambeho na e diferente culturanan cu lo uni den un futuro cercano.

ARB Brasband tin aproximadamente tres aña forma, a duna presentenacion entre otro na e evento di Paranda Rubiano. A surgi algun cambio despues cu e lider a regresa Aruba bek, pero un otro persona a tuma lidezgo y awo ta determina pa continua cu e siguiente trayectoria como Brassband.

Orman ta sugeri cualkier musico cu kier mehora nan talento/base musical, e scol aki ta un opcion na Hulanda. Na Aruba tambe tin scol di musica y asina amplia bo conocemento/tecnica musical. Sigui bo soña y corda cu no tin nada imposibel den e mundo aki.

Pa locual ta trata e proyecto di musica den bario, Juean ta aplaudi esaki. Ta sinti cu falta mas musica na Aruba, lo ta ideal pa mira e hobennan cera conoci cu instrumento na un edad jong, y asina crece cu e base for di chikito, manera entre otro e ritmo di tambu, waltz, marcha, calypso y ta considera esaki como un tremendo iniciativa di parti gobierno.