Manera ta conoci ex parlamentario y lider di fraccion di PPA Otmar Oduber den luna di september a anuncia su retiro temporal for di Parlamento di Aruba pa atende cu e caso cu tin contra su persona den corte di apelacion. Candidato number 2 riba lista di PPA, Eduard Pieters, a bira e representante nobo di e fraccion den Parlamento di Aruba.
Ayera mainta un comision den Parlamento di Aruba, cu tabata consisti di parlamentarionan Stephany Sevinger (AVP), Muzanin Wever (Futuro) y Dangui Oduber (MEP) a verifica e credencialnan di Pieters pa e bira parlamentario.
Despues den oranan di atardi den Cas Ceremonial y dilanti di SE Gobernador di Aruba Alfonso Boekhoudt, Pieters a huramenta y oficialmente ta cla pa cuminsa cu su trabou como parlamentario di pais Aruba.
