(BonaireNu) – Cuerpo Policial di Hulanda Caribense (KPCN) lo organisa un limpiesa di e area di confiscacion di e warda di polis riba 4 di december 2025. Varios vehiculo di dos wiel lo ser destrui como parti di e limpiesa aki.
E doñonan di varios vehiculo cu a tuma den beslag no ta conoci. P’esey KPCN ta urgi doñonan di vehiculonan di dos wiel cu a keda confisca pa meld mas pronto posibel.
Doñonan mester presenta prueba di compra y demostra cu nan ta cumpli cu e rekisitonan legal aplicabel pa uso di vehiculo, manera posesion di un rijbewijs valido y prueba di seguro. Den casonan caminda falta e documentonan necesario, KPCN lo evalua caso pa caso si por traspasa propiedad.
Vehiculonan cu no a ser busca prome cu dia 26 di november 2025, lo ser destrui durante e limpiesa di 4 di december 2025. Ademas, vehiculonan cu ta someti na un orden di corte pa destruccion of vehiculonan cu mester ser kita for di circulacion tambe lo ser destrui. E vehiculonan aki no ta bini na remarke pa cobransa.
