(AP) – Larry Summers, e ex presidente di Harvard University y ken tabatin e fucnion di Secretario di Tesoreria di Merca, a publica un declaracion unda el a bisa cu e no lo participa den compromisonan publico despues cu a publica emailnan unda ta mustra cu el a mantene un amistad cu Jeffrey Epstein hasta despues cu e experto den finanzas a declara su mes culpable na solicita prostitucion for di mucha muhenan menor di edad den 2008.
E declaracion manda na The Harvard Crimson y otro media dialuna a bisa cu Summers lo “tuma un paso atras pa reconstrui confiansa y drecha relacion cu esnan mas cerca na ‘mi.”
“Mi ta profundamente bergonsa cu mi accionnan y ta reconoce e dolor cu nan por a causa. Mi ta tuma responsabilidad completo pa mi decision mal tuma di sigui comunica cu Mr. Epstein.” e declaracion a bisa.
Summers a bisa cu e lo sigui duna les. Su website ta bisa cu e ta duna les den varios curso economico na Harvard.
Epstein a kita su propio bida den prison di Mnhattan mientras e tabata wardando huicio den 2019 pa cargonan di abuso sexual y trafico di menornan di edad.
E-mailnan haci publico siman pasa a mustra varios den Epstein su red amplio di amigonan rico y influencial cu a sigui mantene contacto cune tempo despues di a declara su mes culpabel den 2008.
Epstein, ken hopi biaha a skirbi cu eror gramatical a contesta, “bo a reacciona bon.. E ta demostra cu bo ta worry., keda sin keha ta demostra forsa.”
Ora a puntra tocante e e-mailnan siman pasa, Summers a emiti un declaracion bisando cu e tin “lamentonan grandi den su bida” y cu su asociacion cu Epstein tabata un “eror grandi den su tumamento di decision.”
Summers tabatin funcion di secretaria di tesoreria for di 1999 pa 2001 bao President Bill Clinton. E tabata presidente di Harvard pa 5 aña for di 2001 pa 2006. Actualmente e ta un profesor y ta director di e scol su Mossavar-Rahmani Center for Business and Government.
