(NLTimes) – Un secta sadico yama The Cult of Spawn ta reclutando muchanan Hulandes riba e plataforma popular Roblox y ta convenciendo nan pa comete violencia, dano propio y te hasta kita nan propio bida, investigacion di EenVandaag a descubri.
E base di e secta aki ta e wega Forsaken, un wega di teror riba Roblox. Mientras cu nan ta hunga Forsaken, e muchanan ta atrai na gruponan di chat priva. Acceso na e gruponan aki ta rekeri un sacrificio di e hungado. Potretnan sunu of prueba cu bo a marca e secta su simbolo riba bo curpa ta comun.
Na momento cu nan drenta, e muchanan ta manipula, segun EenVandaag. E lidernan di e secta ta yama nan mes profeta y ta predica cu nan victima hoben lo tin un di dos bida real despues di morto, unda nan por regresa den un miho forma – un tema cu tambe ta presente den Forsaken. Prome cu nan ta “cla pa un miho di dos bida,” e victima mester haci tur sorto di sacrificio, incluyendo comparti imagennan sensitivo di nan mes. Si nan purba repenti, e malhechornan ta menasa di publica e potret y informacion personal online.
Ya caba tabata conoci cu un grupo sadico online tabata tumando accion contra muchanan riba Roblox y rednan social. Den lunanan recien, polis Hulandes a detene varios miembro sospecha di 764 y No Lives Matter di e grupo sadico “Com.” Segun EenVandaag, tin similaridad entre The Cult of Spawn y e gruponan aki.
“Nos ta hopi preocupa tocante e movemento aki,” Annemiek van Noord, un detective di National Police Child Pornography and Child Sex Tourism Team a bisa EenVandaag. El a enfatisa cu polis ta impacta pa e sospechosonan su accionnan sadico y hopi biaha hororoso.
Polis ta haciendo tur loke nan por, pero e ta un problema hopi complica pa atende. “E lidernan ta regularmente blokia y cuentanan ta kita, pero nan ta sigui otro caminda bao otro nomber,” Van Noord a bisa. “Tin un grupo, cosnan ta pasa den dje, y e siguiente momento e grupo a bay. Despues otro grupo nobo ta aparece.”
Ora EenVandaag a pidi e plataformanan online involucra pa duna un respuesta na e presencia di gruponan criminal riba nan plataforma, Roblox a bisa cu comportamento online cu ta pone menornan den peligro ta estrictamente prohibi. “Nos ta monitor esaki 24/7. Y si nos detecta abuso, nos ta tuma accion inmediatamente.”
Discord a bisa cu e ta cumpli cu ley pa preveni contenido peligroso, activamente ta detecta contenido danino y ta coopera cu autoridadnan Mericano. Telegram a bisa cu e ta kita contenido danino y ta coopera cu autoridadnan Europeo.
X sinembargo, no a responde pero e otro plataforma di red socil a bisa cu nan ta evalua publicacionnan pa contenido danino y ta interveni ora cu e contenido aki ser haya.
