(CuraçaoChronicle) – E condena di Michelangelo “Low” Martines, miembro di parlamento y ex lider di partido Korsou Esun Miho (KEM), ta haci hopi mas cu establece e culpabilidad den trafico di droga y labamento di placa.

E documentonan anexa na e veredicto di corte ta revela un nivel extraordinario di detaye – exponiendo con un oficial publico aparentemente a maneha su campaña electoral mientras cu tambe e tabata operando dentro di un organisacion criminal sofistica.

E documentonan ta pinta un imagen di un homber cu tabata biba den dos mundo paralelo:

E mundo publico di liderazgo di partido, debate parlamentario y biahe politico y e economia scur di transportacion di cocaina, movecion di placa, comunicacionnan proteha y intercambionan financiero internacional.

Esaki ta e storia cu ta surgi for di e investigacion – un bista poco comun, dentro di e mashin di crimen organisacion cu ta mesclando cu Corsou su sistema politico.

Un politico den dos mundo

Durante e añanan cubri pa e investigacion criminal, Martinees tabata ambos lider di partido di KEM y despues un miembro di Parlamento. Den su cas, investigadornan a haya documentonan tipico di un bida politico: corespondia di partido, papelnan di campaña y documentonan di biahe.

Sinembargo banda di e documentonan aki tabatin e hermentnan di un centro di comando criminal” varios telefon cu centenares di punto di data – potret di pakinan di placa, video, nota di bos, combersacionnan y listanan di contacto cu tabatin hende di Corsou, Hulanda, Spaña y Republica Dominicana.

Ekipo forense digital a conecta e dispositivonan aki directamente na Martines via cuentanan conecta, email, perfil di rednan social y grabacion cu su propio bos.

E documentonan anexa ta describi un circulo cercano y cera di intermediario

“Michel B”, un contacto basa na Corsou cu ken tabata papia frecuentemente; “Wisel Chino New” y “Wissel Negro”, cu ken tabatin comunicacion diario tocante entrega di placa, cantidadnan cu ta falta y tasa di intercambio; otronan identifica solamente como “e futbolista”, “sua,” y “Icho.”

Comunicacion a sucede via WhatsApp pero tambe via Sky ECC, un plataforma proteha cu tin hopi tempo asocia cu operacionnan di droga internacional.

Telefon como un centro di comando criminal

Corte a haya cu Martines a opera e cuenta riba Sky ECC OBJG28, basa riba e hecho cu tabatin mensahe dne Papiamentu, Spaño y Hulandes, a haci referencia na “M,” “Curacaom” y actividadnan politico di KEM, un nota di bos unda claramente tabata su stem y un video riba su Samsung J6 cu un combersacion activod i OBJG28.

Den e combersacionnan aki, organisadornan tabata coordina e transportacion di 20 kilo, 100 kilo y “cahanan” – cantidadnan consistente cu trafico di cocaina profesional.

Corte a conclui cu Martines a actua primeramente como organisador y supervisor, no courier.

Ehemplo den e documentonan anexa ta inclui ordena e regreso di 1 miyon euro pa motibo cu “te ainda no a haci e trabao”, responde instantaneamente na reportahe di placa perdi – “tin 1000 euro perdi” – y ahuste di porcentahe y pago.

Duna instruccion na e intermediarionan y esnan cu ta maneha e placa entre otro.

E tabata, den palabranan di corte, e coordinador di fluho financiero y logistica.

Investigadornan a haya potret di stapel di euro y dollar den su iPhone. Esakinan tabata saca y inmediatamente manda via WhatsApp – un metodo di responsabilidd comun den rednan di labamento di placa.

Den un mensahe den juli di 2023 pa “Michel B.” a inclui potretnan di 35.000 euro, 25.900 dollar, 10.000 dollar y 9.600 euro hunto cu e instruccion di “mi ta poniendo 35 mas 23.900 en e tas. Bo hendenan lo ricibie.”

Esaki ta cuadra cu e proceduranan pa maneha placa den operacionnan di labamento di placa: stapel placa cu otro – saca potret – manda como prueba – courier ta busc’e.

Vigilancia di RST a situa Martines na un stacion di gasolin den augustus di 2024, interactuando cu un courier conoci (“L”). Aunke despues el a nenga cu e tabata na e sitio, imagennan di seguridad a confirma su presencia.

Esaki ta ilustra cu e no tabata solamente un simpel coordinador – tabatin momento unda personalmente e tabata supervisa e entreganan critico.

Hues a enfatisa cu Martines su posicion como un miembro di Parlamento a dun’e un legitimidad, mobilidad y sospecha reduci.

Su cas tabatin documentonan politico activo, mientras cu su telefonnan tabatin e mundo scondi di logistica di droga. E identidad dual aki a permiti su persona opera den ambos mundo cu facilidad relativo.

Un homber bibando un bida dobel

E investigacion ta revela un homber cu a opera un partido politico, campaña, atende sesionnan parlamentario mientras cu na mesun tempo e tabata coordina transportacion di cocaina, maneha transaccionnan di placa y tabata usa rednan proteha.

E linea entre e dos identidadnan aki ta disparce completamente.

Martines no tabata un courer ni homber di contacto – e tabatin un rol central den un red mas amplio di rutanan di cocaina internacional, fluho di placa den dollar y euro, intermediarionan local confiabel, sistemanan di comunicacion proteha.

Corte a describi su conducta como grave y debilitante, precisamente pa motibo cu el a usa un oficina publico pa tapa, facilita of permiti operacionnan criminal.

E dualidad aki, di un oficial eligi y un coordinador criminal, ta loke ta haci e caso di Martines impactante y nunca antes mira den Corsou su historia politico.

E ta trece dilanti preguntanan profundo tocante supervision, integridad politico y e vulnerabilidadnan di institucionnan democratico den islanan estado chikito cu ta enfrentando e presion di trafico di droga internacional.