(CuraçaoChronicle) – Libertad di prensa na Corsou ta bao presion creciente a causa di disminucion den con abierto e gobierno ta y dependencia creciente riba canalnan di comunicacion gubernamental oficial y controla pa gobierno.

E advertencia aki ta loke e iniciativa civil Korsou Transparente a emiti den un declaracion publica riba dia internacional contra corupcion, cual ta riba dia 9 di december.

Segun e organisacion, un democracia saludable ta depende riba 3 pilar: un gobierno etico, ciudadanonan activo y media independiente. E ta argumenta cu e tercer pilar ta debilitando, mirando cu conferencia di prensa gubernamental ta birando cada biaha menos comun y informacion ta duna via comunicadonan di prensa oficial, video of podcast produci pa gobierno mes. E moda aki, segun Korsou Transparente, ta limita e reporteronan su acceso na informacion critico y ta reduci oportunidad pa scrutinio.

Korsou Transparente a señala desaroyonan reciente alrededor di Curaçao Gaming Authority como un ehempel di e patron preocupante aki. Un decision di Conseho di Minister pa transferi e supervision di e sector di wega for di ministerio di Finanzas pa ministerio di Husticia aparentemente a keda sin revela pa varios siman.

Solamente despues cu corant local a descubri cu henter e directiva di supervision a renuncia – y a confirma esaki via registro oficial – un respuesta oficial di gobierno a bini. Di manera similar, e caso di ex minister Javier Silvania su renuncia, e organisacion ta nota cu un clarificacion a bini despues y sin un conferencia di prensa publico.

E iniciativa civil tambe a referencia un estudio di 2013 pa Transparency International, cual a identifica vulnerabilidadnan structural dentro di e sector di media. A pesar di garantianan constitucional pa libertad di prensa, e organisacion ta bisa cu varios proteccion clave ta keda ausente, incluyendo transparencia tocante propietario di media, un asociacion profesional di reprotero y proteccion pa independencia editorial.

Korsou Transparente a pone Corsou su situacion dentro di contexto internacional mas amplio, referenciando restriccionnan reciente aefctando agencianan di prensa na Merca. Segun e organisacion, e desaroyonan aki ta enfatisa cu libertad di prensa – te hasta den democracianan chikito, estableci – mester activamente y continuamente ser defendi.

E grupo ta conclui cu transparencia, acceso abierto na informacion y un prensa independiente ta esencial pa preveni corupcion riba e isla y mantene responsabilidad democratico na Corsou.