(AFP)—Presidente Ucraniano Volodymyr Zelenskyy a bisa diamars cu e ta cla pa tene eleccionnan nobo den Ucrania tanten cu por garantisa seguridad, y cu e ta anticipa di manda Washington dentro di un dia propuestanan revisa pa caba cu e guera di casi cuatro aña cu Rusia.
Presidente Mericano Donald Trump ta presionando Kyiv pa acepta un acuerdo formula pa Washington, e version inicial cual a haya critica pa aliadonan di Ucraniano bisando cu eta faborece mas Rusia.
“Nos ta trahando awe (diamars) y lo sigui mañan (diaranson). Mi ta kere nos lo entreg’e mañan,” Zelenskyy a conta reporteronan despues di biaha entre capitalnan Europeo pa logra un respuesta cu aliadonan. Trump, ken anteriormente a acusa Zelenskyy di no ta lesando e propuestanan mas recien di Merca, a bisa cu Rusia tabatin e “bentaha” den e conflicto, den un entrevista cu Politico publica diamars.
Tambe el a acusa Kyiv di “usa guera” pa scapa eleccion, cual a keda posponi bao imposicion di ley marcial desde cu Rusia a invadi su bisiña. “Bo sa, nan ta papia tocante un democracia, pero nos ta yega na un punto unda e no ta un democracia mas,” Trump a bisa.
Ley Ucraniano ta prohibi eleccion bao ley marcial, sin cual un eleccion presidencial lo mester a tuma luga na maart 2024. Pero diamars, despues di Trump su comentarionan, Zelenskyy a bisa cu e tabata cla pa organisa un eleccion nobo. “Mi ta cla pa eleccion,” Zelenskyy a conta reporteronan, agregando cu e tabata puntrando legisladornan Ucraniano pa prepara “propuestanan relaciona cu e posibilidad di amienda e fundacion legislativo y ley riba eleccion durante ley marcial.”
El a bisa cu, pa e eleccion por tuma luga, mester garantisa seguridad den e pais di cual su ciudadnan ta birando victima di atakenan diario di drone y misil di Rusia. “Mi ta puntrando awor, mi ta declara esaki publicamente, pa Merca yuda mi, posiblemente hunto cu coleganan Europeo, pa garantisa seguridad pa por tene eleccion,” el a bisa.
Zelenskyy a pasa e ultimo dianan ta biahando entre capitalnan Europeo pa busca un respuesta na e plan di Merca. Dialuna el a tene un discusion cu lidernan Europeo na Londres y Bruselas. Diamars, el a bay Italia pa reuni cu Papa Leo XIV y prome minister Italiano Giorgia Meloni.
E propuestanan di Washington ta consisti di Ucrania entregando e areanan cu Rusia no a captura—henter e region industrial di Donbas—como intercambio pa promesanan di seguridad cu ta stroba Kyiv su aspiracion pa uni cu NATO.
Zelenskyy a bisa dialuna cu Washington su plan di 28 punto a ser revisa pa 20 punto despues di e discusionnan di Merca y Ucrania durante weekend. El a bisa cu e asunto di tera y seguridad internacional tabata dos di e puntonan clave. “Nos tin den vision teritorionan entrega? Nos no tin derecho legal pa haci esey, bao ley Ucraniano, nos constitucion y ley internacional. Y nos no tin derecho moral tampoco,” Zelenskyy a bisa.
“Loke ta importante ta pa sa kico nos partnernan lo ta cla pa haci den e evento di agresion renoba pa Rusia. Actualmente, nos ta ricibiendo ningun contesta riba e pregunta aki,” el a bisa.
Durante un evento televisa diamars, presidente Vladimir Putin a yama e region Donbas di Ucrania Rusia su “teritorio historico.”
“E teritorio aki ta importante; e ta nos teritorio historico, absolutamente,” el a bisa.
