(CuraçaoChronicle) – Residentenan bibando na Cubaweg y e barionan alrededor ta haciendo yamado na minister di Husticia Shalten Hato pa cera tur bar nocturno den e area, despues di un aumento den violencia y tiroteo semanal conecta na e establecimentonan.
E keho ta trata 3 bar nocturno na Cubaweg. Segun residentenan, for di diamars pa diadomingo a bira “imposible pa drumi,” a causa di e zonido continuo, aglomeracion di hende y comportamento peligroso.
Tur anochi, auto y scooter ta core na e caminda y den lunanan reciente te hasta tiro ta scucha casi semanal dilanti e barnan.
Residentena ta bisa cu e area a mira varios acto violento, incluyendo agresion, intento di asesinato, un asesinato y varios robo den auto. Nan ta adverti cu e bario ta deteriorando rapidamente, cu bar kedando habri te oranan trempan di anochi.
Nan ta reporta cu bebemento pisa frecuentemente ta caba den pelea, incidente di arma di candela y accidente den trafico.
Residentenan ta enfatisa cu nan preocupacion no ta exagera. Polis mester interveni casi cada fin di siman pa responde na incidente rond di e 3 bar. Nan ta argumenta cu e patron awo no por confudni; desorden, violencia y anochinan sin pro drumi a bira un parti rutinario di biba na Cubaweg.
Den un apelacion formal na minister, residentenan ta pidiendo e ceramento completo di tur bar nocturno prome cu un tragedia sucede. Nan ta bisa cu solamente cera e establecimentonan aki por restaura seguridad y paz den nan comunidad.
“Nos no por biba asina mas,” un residente a bisa. “Nos mester accion prome cu un hende mas keda herida.”
