Prome minister di Sint Maarten: “Gobierno ta enfoca riba stabilisa suministro di energia, no transicion pa LNG aworaki”

(TheDailyHerald) – Gobierno su prioridad inmediato ta stabilisa e red di electricidad y garantisa e provision consistente di energia na residentenan y negoshinan, na luga di persigui un transicion na LNG actualmente, prome minister Dr. Luc Mercelina a bisa Parlamento dialuna.

El a haci e declaracion durante un ora di pregunta den Parlamento como respuesta na un serie di pregunta di partido UP y Miembro di Parlamento Francisco Lacroes tocante strategia nacional pa diversificacion di combustible, transicion na LNG, utilidadnan publico y implementacion di beneficio pa comunidad.

Mercelina a bisa cu gobierno te ainda no a pidi un plan compersivo di diversificacion di combustible for di NV GEBE of Port St. Maarten Group, splicando cu “e enfoke actual di gobierno mester ta e stabilisacion y provision consistente do electricidad pa pueblo y negoshinan di St. Maarten.” El a bisa cu ambos entidad a ricibi pregunta di comparti nan punto di bista tocante diversificacion di combustible pa yuda informa gobierno tocante tumamento di decision.

Atendiendo operacionnan na waf, Mercelina a splica cu Port St. Maarten Group ta funciona primeramente como facilitador y proveedor di servicio na barconan di cargo y crusero, mientras cu servicio di combustible ta ehecuta pa tercr companianan. Cualkier diversificacion di uso di combustible na waf, el a bisa, lo depende riba exigencia di carrier y lo ta facilita pa proveedornan di servicio den consulta cu e autoridad di waf.

Tocante generacion di electricidad, Mercelina a referi na Least Cost Power Developemtn Plan, cual a analisa opcionnan di combustible pa generacion di energia. El a bisa cu e estudio a haya cu generator di diesel operando riba combustible pisa ta ofrece bentaha na costo y consumo reduci compara cu combustible light.

Mientras cu e generator tipicamente ta capaz di opera riba gas natural, el a bisa cu transiciona pa LNG no tabata evalua como viable a causa di inversion di capital significante rekeri, particularmente pa infrstructura y facilidadnan pa LNG. El a agrega cu e estudio a haya cu LNG den escala chikito ta menos eficiente y mas costoso.

Mercelina a splica cu gobierno ta trahando pa garantisa cu NV GEBE lo cumpli cu su concesion di electricidad, emiti den 2010 pa un periodo di 25 aña, notando cu varios accion rekeri te ainda no a keda implementa. Esaki ta inclui e entrega di operacionnan multi-anual y un plan di inversion, metanan di energa renobable y publicacion di medidanan di calidad.