Prome minister di Aruba, Mike G. Eman hunto cu director di Departamento di Asunto Exterior di Aruba, Jocelyne M.M. Croes tabatin un conferencia telefonico cu Consul General di Merca, Ramon (Chico) Negron riba Noche Buena, y a keda informa di lo siguiente.
Forsa Aereo Sur Mericano y Proveedor di Servicio di Nabegacion Aereo di Caribe Hulandes (DC-ANSP) a bay di acuerdo cu un plan pa haci aviacion mas safe y mas eficiente den shelo rond di islanan ABC – Aruba, Bonaire y Corsou.
Segun un comunicado di gobierno, e plan aki ta enfoca riba un miho maneho di haltura di vuelo, espacio aereo y timing. Haciendo esaki, ambos avion civil y militar por move door di Sur di Caribe cu menos retraso y mas previsibilidad.
Importantemente, e acuerdo ta tene cierto “flight corridor” liber di actividad militar Mericano, sigurando biahe sin interupcion pa avion comercial y priva.
E acuerdo ta resalta cooperacion fuerte entre Merca y nos autoridadnan di aviacion. Mediante planificacion mehora y coordinacion en bibo, vuelonan na y for di islanan ABC ta bay ta mas safe y lihe, mientras ta mantene e separacion necesario for di cualkier training y mision militar di Merca.
