(AFP) – Presidente Mericano Donald Trump a urgi Departamento di Husticia (DOJ) diabierna “bergonsa” cualkier Democrata cu a traha cu Jeffrey Epstein despues cu el a cuminsa publica miyones di documento conecta cu e difunto ofensor sexual.
DOJ a cuminsa publica record siman pasa di e investigacion contra Epstein, un financiero rico cu a fayece den prison di New York den 2019 mientras e tabata warda huicio pa trafico di mucha muhenan menor di edad pa actonan sexual.
E revelacionnan mas recien diamars ta contene varios referencia na Trump, incluyendo documentonan cu ta detaya e vuelonan cu el a tuma riba Epstein su jet priva.
Trump antes tabata amigo di Epstein pero a distancia su mes na momento cu su crimennan a sali na cla y no tabata kier papia tocante e caso a pesar di sosten fuerte den partido Republicano pa transparencia mas completo tocante e difunto su asociadonan.
“Awo, 1 miyon pagina mas di Epstein ta haya. DOJ ta obliga di gasta tur su tempo riba e falsa inspira pa Democrata,” Trump a bisa riba su plataforma Truth Social diabierna.
“Nan (Democrata) ta esnan cu a traha cu Epstein, no Republicano. Publica tur nan nomber, bergonsa nan y bolbe haci e trabao di yuda nos pais!” Trump a bisa.
“Iskierda radical no kier hende papia tocante TRUMP y EXITO REPUBLICANO, solamente di un Jeffrey Epstein cu a fayece hopi tempo atras – djis otro casa di bruha!!!”
Trump no a bisa cua Democratanan por ta nombra den e documentonan.
DOJ no a cumpli cu un deadline di 19 di december pa publica tur e documentonan completamente a pesar di un ley cu ta obliga haci esaki.
Procurador General Todd Blanche anteriormente a nombra redaccion di identidad di Epstein su victimanan como e motibo pa e tardansa.
DOJ a defende Trump, bisando cu e documentonan ta contene “acusacionnan sensacionalista y falso” contra su persona cu a keda entrega na FBI prome cu e eleccion di 2020, unda el a logra un di dos termino di presidencia.
E departamento no a specifica cua acusacionnan ta falso.
“Si nan tin sikiera un tiki di credibilidad, ciertamente lo a usa esaki como arma contra Presidente Trump caba,” e departamento a agrega e tempo ey.
