(NLTimes) – Entrante 1 di januari 2026, Hulanda lo implementa un rango amplio di ley, belasting y regulacionnan nobo cu ta afecta bida diario. NLTimes a compila mas cu 80 cambio, incluyendo reglanan cu lo tin impacto directamente riba presupuestonan di cas, vivienda, propiedad di bestia, uso di energia y belasting.

Salario minimo pa empleadonan di 21 aña bay ariba lo subi di 14,40 pa 14,71 euro pa ora. Beneficionan social, incluyendo pensioen di AOW pa destinatarionan soltero, lo aumenta di 1.527,63 pa 1.558,15 euro pa luna.

Otro beneficionan, manera bijstand, WIA, y Wajong, tambe lo conoce aumenta. E bracketnan di impuesto riba entrada lo ser ahusta parcialmente pa inflacion, loke por pone algun pagador di belasting den bracketnan mas halto mas lihe cu a plania anteriormente. E ahuste aki ta destina como un alternativa pa aumento di IVA blokia riba actividadnan cultural y deportivo.

Eligibilidad pa subsidio di huur lo expande. Anteriormente e tabata limita na vivienda social cu huur maximo di 900 of 477 euro pa huurdornan hoben, awor subsidio lo ta disponibel pa propiedadnan di huur mas halto si entrada y activonan ta cumpli cu limitenan. E huurdornan lo bini na remarca pa subsidio completo cuminsando na edad di 21 en bes di 23.

E impuesto di transferencia pa propiedadnan cu no ta ocupa pa doño lo baha di 10.4% pa 8%, mientras cu casnan ocupa pa doño ta keda cu impuesto na 2%. Esnan cu ta cumpra cas pa prome biaha bao di 34 aña lo no paga impuesto di transferencia.

Huur di sector priva por subi te cu 4.4%, huur di nivel medio te cu 6.1%, y huur di sector social por subi un biaha pa aña, normalmente na juli, cu un maximo di 4.1%.

Pa loke ta trata regulacion pa animal, propiedad di cierto rasanan, incluyendo pushi sin cabey y pushi Scottish Fold, lo ta prohibi pa motibo di riesgonan pa salud. Bestianan di cas cu a nace y a haya chip prome cu 1 di januari por keda na cas, pero no por participa den show of programanan di cria.

Relaciona cu e tema di energia, medio ambiente y reciclahe, mester reemplasa meternan di energia analogico cu meternan digital of inteligente capaz pa sigui produccion y entrega di energia for di panelnan solar. Consumidornan grandi di awa lo enfrenta impuestonan mas halto pa encurasha conservacion. Reglanan di reciclahe di desperdicio lo expande pa permiti articulonan manera capsula di koffie yen, bleki di aerosol, y material pa paketenan grandi den baki di reciclahe di PMD.

Tarifanan di trein di NS lo subi cu un promedio di 6.5%. Impuesto riba combustibel lo aumenta cu 5.6 cent pa liter pa gasolin, y cierto vehiculonan por mira impuesto riba vehiculo mas halto. IVA riba estadia den hotel y den parke di vakantie lo subi di 9% pa 21%, mientras cu campamento cu un tent personal, caravana of camper ta keda na 9%.

Regulacionnan tocante sigaria electronico lo bira mas severo, limitando benta na tiendanan specialisa. E pakete basico di seguro di salud lo expande pa cubri mas programa di stop di huma, terapia pa spondiloartritis axial, y referencia specifico di dokter di cas cu anteriormente tabata someti na deducibel.

Dunadornan di trabao por enfrenta boet pa mal clasifica empleadonan como freelancer. Lo elimina e subsidio di salario pa tuma trahadornan di edad avansa, y e deduccion di trabao independiente lo baha di 2.470 pa 1.200 euro. Pagonan cash riba 2.999 euro awor ta prohibi den negoshinan.

Pa loke ta trata cuido di mucha, dunadornan di cuido di mucha mester informa mesora incidentenan serio cu ta envolvi mucha na GGD. Piscamento riba lama recreativo lo rekeri registracion di dato den e app di Rec-Fishing di henter UE entrante 10 di januari.