Diasabra tardi a tuma lugar un incidente tragico, den cual un hoben di apenas 17 aña di edad a ser haya sin bida na su cas na Sabana Liber.
Medionan local, manera Awe24, a reporta cu autoridadnan inmediatamente a dirigi un ambulance na e sitio, pero na yegada di esaki, e hoben no tabata duna señal di bida mas. A alerta polis tocante e incidente, y tambe a solicita dokter forensico pa por determina e causa di morto.
Te na e momento aki, no tin mas informacion disponible.
Bon Dia Aruba ta manda palabra di condolencia na famia y sernan keri di e fayecido.
