Weekend ultimo a bira conoci e lamentable noticia cu conocido comerciante, Leopoldo ‘Leo’ Lacle a fayece diasabra cu 84 aña di edad.
Sr. Leo Lacle tabata un ciudadano conoci na Aruba como un doño di Aruba Video Center, un negoshi hopi popular di huur video y DVD. Como un amante di deporte, e tabata patrocina ekipo di baseball double cu a gana varios titulo nacional. Tambe e tabata conoci pa e broker Nos Seguro.
Medionan local a reporta cu Sr. Lacle tabata na Vermont, Merca, disfrutando di un vakantie. El a muri den su soño, y mainta a hay’e sin bida.
Bon Dia Aruba ta manda palabra di condolencia na famia y sernan keri di Leopoldo ‘Leo’ Lacle. Cu Sr. Lacle sosega na paz.
