Recientemente, Oficina Central di Estadistica a publica e CPI pa e periodo November 2024 – November 2025. Den esaki, a nota cu cinco di 12 sector a registra caida di prijs.

Indice di Prijs di Consumo

Den e ultimo diesdos (12) lunanan, e CPI a baha cu 0.2%, unda cinco (5) di e diesdos (12) sectornan a registra caida di prijs. E caidanan cu tabatin e mayor efecto riba e CPI a ser registra pa e sectornan di “Mobilario” (-4.7%), “Recreacion y cultura” (-3.3%) y “Paña y sapato” (-8.3%), causando un efecto di respectivamente, -0.41, -0.28 y -0.19 ppt. E caidanan den e sectornan restante a contribui cu un efecto di -0.23 ppt riba e CPI di November 2024 te cu November 2025.

E caidanan aki a ser contraresta parcialmente door di subidanan den e indicenan di e sectornan di “Vivienda” (1.3%), “Restaurant y hotel” (4.8%) y “Comunicacion” (2.4%), cu a contribui cu un efecto di respectivamente, 0.34, 0.24 y 0.21 ppt.

E subidanan den e sectornan restante a contribui cu un efecto di 0.13 ppt riba e CPI di November 2024 te cu November 2025. E caida den e sector di “Mobilario” a ser causa principalmente door di caida den e categorianan “Mueble y accesorionan, tapijt y otro tipo di material pa vloer” (-23.6%) y “Aparato pa uso domestico” (-5.3%), causando un efecto di respectivamente, -0.25 y -0.12 ppt. E caida den e sector di “Recreacion y cultura” a ser causa principalmente door di un caida di 22.2% den e categoria “Vacacion”, causando un efecto di -0.51 ppt. E caida den e sector di “Paña y sapato” a ser causa principalmente door di un caida den e categoria “Paña” (-8.8%), causando un efecto di -0.16 ppt. E subida den e sector di “Vivienda” a ser causa principalmente door di un subida di 1.5% den e categoria “Electricidad, gas y otro combustible”, causando un efecto di 0.12 ppt. E subida den e sector di “Restaurant y hotel” a ser causa principalmente door di un subida den e categoria “Cuminda pafo di cas” (3.4%), causando un efecto di 0.17 ppt. E subida den e sector di “Comunicacion” a ser causa principalmente door di un subida di 54.7% den e categoria “Ekipo di telefon y fax”, causando un efecto di 0.20 ppt.

Canasta di consumo

Den e ultimo aña cu a pasa 49.5% di productonan den e canasta di consumo di e CPI a conoce un aumento di prijs causando un efecto di 2.11 ppt, mientras cu 41.2% ta mustra un caida di prijs, cu a contribui cu un efecto di -2.31 ppt y pa e restante 9.3% no tabatin cambio den prijs. E indice di “Bienes” (-0.6%) a registra un caida y causando un efecto di -0.34, mientras cu e indice di “Servicionan” a registra un subida di 0.3% y a contribui cu efecto di 0.13 ppt riba e CPI.

Bestaansminimum

Den e ultimo diesdos (12) lunanan e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un subida di Afl. 7, di Afl. 5,512 na November 2024 pa Afl. 5,519 na November 2025. E subida aki a ser causa principalmente door di subidanan den e sectornan di “Vivienda” (Afl. 22) y “Cuminda y bebida no-alcoholico” (Afl. 16).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un caida di US$ 9.60 (-13.8%) di US$ 69.60 na November 2024 pa US$ 60.00 na November 2025.

E indice di Energia a baha cu 2.3% den e ultimo aña y a causa un efecto di -0.38 ppt. E indicenan di “Gasolin” (-8.1%) y “Diesel” (-5.1%) a registra caidanan, causando un efecto di respectivamente, -0.36 y -0.02 ppt riba e CPI. E indicenan di “Electricidad” y “Awa” no a registra cambio, mientras cu e restante 404 bienes y servicio hunto, a conoce un subida di 0.2% y tabatin hunto un efecto di 0.18 ppt.

Cambio di prijs di Cuminda y servicio di catering

Den e ultimo diesdos (12) lunanan e indice di “Cuminda & servicio di catering” a subi cu 1.5%. E indice di “Cuminda na cas” a conoce un subida di 0.7%, unda ocho (8) di e diesun (11) indicenan di e gruponan di “Cuminda na cas” a subi durante e periodo aki. E indice di “Sucu, jam y otro tipo di cos dushi” a conoce un subida di 4.9%, e subida mas grandi entre e gruponan di “Cuminda na cas”. Ademas, otro subidanan significante a ser registra den e indicenan di “Bebida no-alcoholico” (3.6%), “Azeta y otro productonan traha di vet” (3.6%) y “Fruta” (2.2%). E caida mas grandi durante e periodo aki a ser registra den e indice di “Pisca y otro cuminda di lama” (-4.9%). E indice di “Cuminda pafo di cas” a registra un subida di 3.4% den e ultimo diesdos (12) lunanan.

Den e ultimo diesdos (12) lunanan, “Cuminda na cas” y “Cuminda pafo di cas” como grupo, tabatin un subida di prijs di 1.5% y hunto tabatin un influencia di 0.25 ppt riba e CPI, mientras cu e restante bienes y servicio hunto a experencia un caida di prijs di 0.5% y tabatin un efecto di -0.45 ppt riba e CPI.