(NLTimes)—Investigadornan na Wageningen University & Research (WUR) a reporta cu nan a descubri cu un antecedente antiguo di e mata di cannabis a produci un compuesto cu propiedadnan anti-inflamatorio y pa alivia dolor, habriendo posible portanan nobo pa uso medicinal.
E equipo a investiga con compuestonan manera THC, CBD y CBC a surgi den cannabis. Pa haci esaki, nan a reconstrui enzymnan extingui cu tabata activo miyones añas pasa den e antecedente di e mata. E enzymnan aki ta crucial den produci compuestonan cannabinoid.
“Den matanan di cannabis moderno, enzymnan specifico ta produci cannabinoids manera THC, CBD y CBC,” segun investigador di WUR Robin can Velzen a conta NU.nl. “Pero e enzymnan ancestral por produci varios cannabinoid simultaneamente.”
E “enzymnan ancestral aki” ta mas simple pa produci den microorganisamo manera levadura, compara cu nan equivalentenan moderno, haciendo nan mas facil pa cultiva. “E enzymnan ancestral aki ta mas robusto y flexible compara cu nan descendientenan, haciendo nan puntonan di comienso hopi atractivo pa biotecnologia y medicina,” Velzen a bisa.
Un enzym di interes particular ta produci un nivel halto di CBC, un cannabinoid conoci pa su efectonan anti-inflamatorio y di alivio pa dolor. “Actualmente, ningun mata di cannabis ta produci nivelnan halto di CBC, pues introduciendo e enzym aki den un mata por resulta den variedadnan innovativo medicinal,” Van Velzen a bisa.
Van Velzen tambe ta traha cu Bedrocan, un productor di cannabis medicinal, aunke e compania no tabata envolvi den e estudio.
