(AFP) —Presidenta di Mexico, Claudia Sheinbaum, a bisa diabierna cu su gobierno ta busca un coordinacion di seguridad mas fuerte cu Merca, despues cu Donald Trump a menasa cu posible atake terestre contra cartelnan di droga.
Sheinbaum a declara na periodistanan cu el a pidi su minister di exterior pa tuma contacto cu Secretario di Estado Mericano Marco Rubio y, si ta necesario, papia directamente cu Trump pa fortalece cooperacion bao di e marco bilateral di seguridad.
Trump anteriormente a bisa den un entrevista cu Fox News cu atake terestre contra cartelnan lo sigui despues di operacionnan maritimo di Merca den Pacifico y Caribe, sin specifica unda ni ki ora esaki lo pasa.
Durante 2025, Mexico a extradita decenas di lider di cartel pa Merca y a reforsa cooperacion fronteriso. Sinembargo, Sheinbaum repetidamente a expresa su oposicion contra cualkier intervencion militar for di e pais.
E presidente a enfatisa cu Mexico ta mantene un “entendimento di seguridad” cu Washington y cu Rubio a elogia e “bon coordinacion” riba seguridad entre e dos paisnan.
