Oranjestad, Aruba – El Louvre Witec ta anuncia cu e proceso di transicion di marca Stayfree pa Carefree, e cambio den mercado a cuminsa den luna di augustus 2025 y awo a yega su fase final di implementacion pa asina sigura confiansa continuo den e producto.
Nos a kick-off e proceso cu un dushi desayuno cu nos team di benta y merchandising cu tambe a ricibi un Carebox di productonan cu bunita regalitonan. Nos team di Carefree a bishita supermercado y tienda local, duna informacion y asisti cliente durante e periodo di cambio.
Nos comprimiso di brinda e miho servicio y productonan di higiene femenino, tambe ta inclui sostene iniciativanan di organisacionnan cu ta empodera e desaroyo di e hende muhe den nos comunidad.
Asina nos a forma parti di e proyecto Glow and Grow organisa door di Empower Her, un organisacion cu ta inspira y motiva e hende muhe riba ruta di crecemento. Nos a participa tambe den e conferencia di She Leads, continuado asina cu e apoyo na bienestar di progreso y liderazgo di hende muhe. Tambe nos team tabata presente durante di Kiwanis Club of San Nicolas su Crown and Courage Youth Event.
Nos team tabata activo tambe cu media tour na diferente program di radio y television, cu live give-away y tambe a haci entrega di Carefree Carebox na e presentadornan femenino. Tur esaki tabata parti di nos esfuerzo pa educa y mantene comunicacion habri cu nos comunidad in general. Nos ta gradici tur cliente y partnernan pa e confiansa deposita den nos durante e periodo aki.
Cu mas di 60 aña di experiencia, El Louvre Witec ta un di e distribuidornan lider na Aruba, y ta represenante di un portafolio extenso cu ta inclui marca internacional manera Bison Adhesives, Goya, Banana Boat, Stayfree, Carefree, Playtex, Schick y hopi mas. E compromiso continuo cu excelencia y innovacion ta coloca El Louvre Witec como un partner clave pa crecimiento sostenibel den sector comercial y industrial di Aruba. Pa mas informacion tuma contacto cu nos na (297) 588 5577.
