(AFP)—Den un kelder bieu na un hospital na Londres, mas cu 100 aña di historia medico ta warda riba reki, organisa den rij di cahanan di muestra. Lubida pa dokternan te recien, ta spera cu e archivo aki lo yuda descifra e misterio di e cifra creciente di hende jong hayando cancer colorectal.
E archivo ta contene dies miles di muestra di tumor y tehido, algun data for di comienso di Siglo 20. Preserva den formaldehyde y paraffin wax, nan ta bin for di pashentnan trata na e hospital nacional specialisa den cancer colorectal, St. Mark’e, na Londres.
Den un estudio cu a cuminsa na januari, investigadornan ta usando tecnologia innovativo pa compara tumornan di e archivo for di añanan 1960 cu esnan di awendia.
E cantidad di hobennan diagnostica cu cancer colorectal a laga dokternan rond mundo confundi. segun
Segun Bowel Cancer UK, casonan di e malesa den hende bao 50 aña na Gran Bretaña a aumenta pa mas cu 50% den e ultimo 25 aña. Anualmente, mas cu 2.600 ta ser diagnostica for di e 44.000 casonan den tur grupo di edad.
Investigacion publica pa Universidad Bristol y otronan den e British Journal of Surgery na 2010 a mustra un “aumento exponencial” durante un periodo similar, cu e conclusion sosteni pa descubrimentonan di ambos estudionan Europeo y Mericano.
Experto di cancer colorectal y autor principal di e estudio, Trevor Graham di e Instituto di Londres, tin e meta pa mapa con e DNA ta diferencia den e muestranan di añanan 1960 for di esnan di awendia. Por medio di secuencia e DNA y usa otro tecnica di laboratorio cu “no tabata posible ni cinco aña pasa,” nan ta spera pa specifica kico ta stimulando casonan awendia.
E proyecto ta bin casi un decada despues cu henter e archivo na St. Mark’s casi a ser hinca den e incinerator di hospital. Pero despues cu dokternan a persuadi gerentenan pa warda un rato, a salba e archivo.
Cambionan ta dieta, estilo di bida y contaminantenan den ambiente manera microplastic tur ta considera como posible causanan di e aumento den caso, pero evidencia definitivo ta keda elusivo.
Kevin Monahan, un gastroenterologo, ken ta co-liderando e proyecto, a bisa cu su intuicion ta centra riba e subtipo di bacteria di E. coli den colon. “E bacteria aki por ta carcinogenico, y e marca di e carcinogeno den DNA a ser descubri den hende bao 50 aña cu cancer colorectal,” el a bisa.
Si descubri e cancer trempan, 90% di caso por ser trata exitosamente, segun e Servicio Nacional di Salud (NHS).
Ta anticipa cu e proyecto lo reporta su descubrimento aki 3 aña.
