(AFP) – Un Pastor Danes cu a download 80.000 potret y 2.300 pelicula cu imagennan di abuso sexual di mucha, incluyendo riba su computer di trabao, a bisa corte dialuna cu el a haci esaki pa motibo cu e ta manera “colecta stampia” segun media a reporta.
Tom Thygesen Frederiksen, di 60 aña, a confesa cu e ta den posesion di e potretnan y videonan durante e huicio na corte di Naestved, agencia di noticia Danes Ritzau a reporta.
“Mi ta increiblemente sorry pa loke mi a haci,” el a bisa corte.
Alrededor di 700 di e imagennan tabata considera di ta di e tipo mas serio, ilustrando violencia of coercion.
Polis a haya e material ora cu nan a haci un entrada hudicial na su cas den mei di 2024 despues di un tip cu nan a ricibi for di un servicio di comparti documento, Thygesen Frederiksen a testigua cu nunca el a paga pa e material y nunca a sinti atraccion sexual pa muchanan.
Sinembargo el a bisa cu el a desaroya un adiccion na pornografia despues di lick na un link cu “potretnan prohibi.” “Pa motibo cu e tabata prohibi, tabatin un balor di fascinacion,” el a bisa.
Ora cu a puntra dicon el a download asina hopi material, el a contesta cu e tabata manera “colecta stampia – pero den un manera completamente eroneo.”
Thygesen Frederiksen, ken anteriormente a lidera gruponan di cuido pa muchanan, a keda suspendi for di su trabao como un pastor y despues a renuncia.
Ministerio Publico (OM) tin intencion di pidi un sentencia di por lo menos 6 luna di prison, Ritzau a reporta.
E veredicto lo ser duna dia 25 di februari.
