Riba 27 di februari 2026, Corte di Prome Instancia di Aruba a dicta sentencia den e asina yama caso “Bromelia”, cu ta trata supuesto mal conducta financiero den e autoridad di subsidio deportivo di e pais. Hues sentencia ex director di Stichting Sportsubsidie ​​Aruba (SSA), K. Vrolijk, na un castigo di 16 luna di prison di cual 10 luna ta condicional.

Caso “Bromelia” ta centra riba acusacionnan di malversacion y mal uso di fondonan publico originalmente destina pa sostene programanan atletico y iniciativanan di desaroyo. Vrolijk tabata e curason di e acusacionnan aki, cu ta abarca acusacionnan di fraude, mal uso di autoridad oficial, y iregularidadnan financiero relaciona cu ta data di memey di 2023 te fin di 2024.

Durante tratamento di e caso Ministerio Publico (OM) a argumenta cu Vrolijk a explota su rol anterior pa beneficio financiero personal, incluyendo e desviacion incorecto di sumanan significante destina pa subsidio di deporte den cuentanan personal. Su caso a delinea transaccionnan cu ta encera mas di Afl. 180.000 cu supuestamente a ser dirigi pa medio di intermediarionan cu a ser describi manera “mulanan di placa” prome cu e placa a yega na Vrolijk.

Di acuerdo cu documento, porcionnan di e fondonan supuestamente mal usa a ser canalisa a traves di e cuentanan di por lo menos cuater individuo adicional prome cu a yega na Vrolijk, un patronchi diseña pa sconde e rastro financiero y sconde e berdadero beneficiario di e fondonan subsidia. Mas aleu, segun OM, na varios punto Vrolijk no a duda den falsifica e firma di e minister di Deporte e tempo ey den documentonan oficial pa asina disfrasa e transaccionnan no autorisa como gastonan legitimo.

Manera ya ta conoci Vrolijk mes no tabata presente ya cu e no ta na Aruba. November ultimo informacion cu a circula a indica cu Vrolijk tabata biba pafo di e pais na un adres desconoci na Slovakia. Esaki a crea algun incertidumbre, pa motibo cu segun ley, mester entrega e dagvaarding na e sospechoso den su propio man cu algun dia di anticipacion. Door cu su adres no ta conoci, a pesar cu funcionarionan di ley di Aruba a haci nan esfuerso pa cumpli cu e rekisito aki, no a logra.

Defensa di Vrolijk a purba argumenta cu e citacion no tabata valido pasobra e lo a cay fuera di e limite legal di tempo, pero e hues a rechasa e argumento aki. Segun hues, ya cu e sospechoso no a duna su adres, e manera publico con a post na Aruba tabata legal y dentro di e limite di tempo.

E sentencia di ayera ta marca e fin Den un decision dicta door di Corte den Prome Instancia, Vrolijk a ser condena na 16 luna di prison, di cual 10 ta condicional, loke ta nifica cu e mester bay cera pa seis luna. E sentencia di corte ta inclui tambe un periodo di prueba di tres aña y prohibicion di traha como ambtenaar pa cinco aña.

Den su sentencia hues a tene cuenta cu factornan cu por a mitiga e severidad di e castiga di prison. Un di e factornan aki ta cu Vrolijk ya a paga back un parti di e fondonan en cuestion.

Inicialmente Ministerio Publico (OM)a busca un castigo mas severo. Fiscalnan a pidi pa un castigo di 30 luna di prison—sin inclui periodo di prueba—argumentando cu e alcance y naturalesa di e mal conducta tabata garantisa un castigo mas substancial di prison. Tambe OM a pidi corte pa impone un ordo di encarcelacion inmediato y un prohibicion pa Vrolijk traha como funcionario publico pa siete aña.

Caso “Bromelia” a revela ademas capanan adicional di investigacion cu ta involucra otro individuonan conecta cu e supuesto schema. Informenan ta indica cu varios persona identifica como cu a facilita of di otro manera a participa den transaccionnan financiero cuestionabel mara na fondonan di SSA por enfrenta mas consecuencia legal. Algun di e casonan aki por sigui pa medio di loke ta ser describi como sesionnan di TOM (Transactie Openbaar Ministerie).