(AFP) – Nominado di Oscar Timothee Chalamet ta den prome posicion pa bay cas cu e estatua di oro pa “Marty Supreme” – sinembargo definitivamente e no a logra convence fanatico den mundo di opera y ballet.
Den dialogo na town hall luna asa cu gnador di Oscar Matthew McConaughey, organisaa pa CNN y Variety, Chalamet di 30 aña tabata papiando tocante e futuro di cinema y si e yegada di streaming ta marca e fin pa cinema.
“Si hende kier wak e – manera Barbie, manera Oppenheimer – nan ta bay wak e y nan ta bay ta orguyoso di esey,” Chalamet a expresa. “Y mi no kier ta trahando den ballet of opera of cosnan unda mane, ‘Hey, mantene esaki na bida, aunke ningun hende ta worry cu esey mas.’ Tur mi respet pa ballet y opera eyfo,” el a hari, cu hari di e audiencia.
“Mi a caba di tira palabra por nada.”
E companianan di opera y ballet rond di mundo no a gusta.
Den e actor Frances Mericano su New York, Metropolitan Opera a publica un video backstage cu e citacion “Esaki ta p’abo @tchalamet…”
Paris Opera tambe a duna comentario tocante “Marty Supreme,” den cual Chalamet ta hunga e rol di un hungado di taffel tennis den 1950 cu soñonan grandi.
“Ata, tin ping-pong den opera tambe,” el a bisa riba Instagram, cu un video di “Nixon in China,” cual awo ta pasando na e capital Frances.
Vienna State Opera a bisa Chalamet: “Considera esaki bo invitacion personal pa Vienna. Nos escenario ta warda’bo.”
Y na Londres, English National Ballet a publica diabierna: “Querido cualkier celebridad cu ta kere cu ningun hende ta worry cu ballet of opera… Nos ta feliz di reporta cu ballet no solamente ta bibo y bon, sino mirando exito.”
