(PEOPLE)—Abbey Romeo y David Isaacman a dicidi pa termina nan relacion. E streanan di Love on the Spectrum, cu a conoce otro den e prome temporada di e reality show di Netflix na 2021, a separa despues di casi cinco aña hunto, The U.S. Sun tabata e prome pa reporta e noticia.
“Abbey y David a pasa cuatro aña y mei hunto y nan ta aprecia e tempo cu nan a comparti cu otro,” Romeo, Isaacman y nan famia a bisa den un declaracion conhunto duna exclusivamente na PEOPLE. “Na e punto aki, nan kier cosnan diferente y a dicidi pa bay nan caminda separa, pero nan ta keda amigo y deseando otro tur cos bon.”
Abbey y David a aparece den tur cuatro temporada di e serie, marcando nan prome cita na San Diego Zoo Safari Park dia 12 di juli 2021. Nan tabata e pareha cu a dura mas largo den e show.
Durante temporada 4, Abbey a bisa productornan di Love on the Spectrum cu “ningun di nos dos ainda no ta cla pa casa” y cu nan tabata sinti cu nan “ya ta casa den nos curason.”
“Mi no kier bira un muher divorcia manera mi mama, p’esey mi no kier pura cu esey, mi kier tuma mi tempo pa casa,” el a bisa.
Despues di tende cu co-streanan Madison Marilla y Tyler White a compromete, Abbey a bisa: “Mi ta spera nos ta sigui!” E pareha a discuti pa casa na San Diego Zoo, cu Abbey despues a bisa Buzzfeed na april 2025 cu nan kier “casa na Kenia, Maasai Mara [National Reserve].”
Abbey y su mama, Christine, tambe a papia riba con matrimonio por ta pa e pareha como personanan cu autismo durante un aparicion riba The Unplanned Podcast na maart 2025.
“E no mester ta den sentido tradicional manera un persona neurotipico lo haci,” Christine a recorda cu el a bisa Abbey. “Bo por tin bo mesun cas, e por tin su cas. Boso por sigui haci boso cosnan te ora boso ta cla pa muda hunto… asina nan por haci e compromiso sin mester cambia tur otro cos.”
Abbey a bisa We Need to Talk na maart 2026 cu e y David hopi biaha tabata gusta bishita diferente lugarnan hunto, incluyendo L.A. Zoo, Disneyland, Universal Studios y Griffith Observatory, mientras el a splica con David ta apoy’e. “E ta bisa cosnan cu ta haci mi sinti bon [y] e ta tapa mi wowonan ora tin cierto zonido cu mi no gusta,” el a bisa.
E duo a celebra nan cuatro aña aniversario dia 12 di juli 2025, ora Abbey a publica un clip riba Instagram di David dunando e un regalo di aniversario. Nan a bolbe San Diego Zoo pa celebra.
Ultimo biaha cu Abbey a comparti un video cu David riba Instagram tabata na december 2025, ora nan a bishita Universal Studios.
Potret di AFP.
