Diadomingo madruga e Centro di Operacion Maritimo di Wardacosta a detecta un contacto sospechoso cu tabata nabegando den direccion di Aruba. Wardacosta mesora a dirigi algun unidad di Wardacosta den direccion di e contacto sospechoso.
E boto sospechoso a keda identifica como un boto cu probablemente tabata transportando bultonan cu substancia ilegal na bordo. Wardacosta a start cu un persecucion y durante di e persecucion algun pakete a cay den lama.
E boto patruyero a intercepta e boto sospechoso y hiba e boto na e pier di Wardacosta. Una bes cu a yega na e pier di Wardacosta e 6 sospechosonan y e paketenan cu substancia ilegal a keda entrega na Cuerpo Policial di Aruba.
Entretanto e droga a ser destrui y e caso ta den investigacion.
