(AFP)—Gobernador di New York a duna orden diahuebs na agentenan federal di inmigracion den su estado pa no bisti mascara, un movida cu lo probablemente mira desafia di parti e administracion di Trump despues cu cortenan a anula un esfuerso similar na California.
Desde comiendo di Trump su campaña di deportacion masal, agentenan for di Immigration and Customs Enforcement (ICE) tipicamente a sconde nan cara, oficialmente pa preveni identificacion y posible menasa pafo di trabao.
“Pa ICE, bisti mascara sin bon causa no ta nada mas cu un tactica di intimidacion, un intento cobarde pa evadi responsabilidad,” gobernador Kathy Hochul a bisa, un oponente Democratico di Trump y su politicanan di inmigracion.
Imagennan di agentenan bisti den paña casual y mascara, cargando arma pisa y canando rond den ciudadnan Mericano brutalisando ciudadanonan y no-ciudadano a garna atencion internacional na comienso di aña, mirando un peak ora agentenan di ICE a tira mata dos Mericano den e ciudad di Minneapolis.
Banda di e restriccion riba mascara, Hochul a anuncia cu agentenan di ICE no lo ta permiti pa drenta scolnan, biblioteca, centronan di comunidad, sitionan di votacion y otro sitionan sensitivo sin un orden di hues.
Tambe el a prohibi polis local di coopera cu e agencia den cualkier operacion conduci solamente riba base di inmigracion. “Nos agentenan, paga cu dollarnan di contribuyente, a ser recluta pa protege nos comunidad…nan no t’ey pa haci e tarea di gobierno federal,” e gobernador a agrega.
Hefe di inmigracion Tom Homan a adverti recientemente cu “loke ta bay pasa cu luganan manera New York, y (si) hende pasa legislacionnan ridiculo pa no traha cu nos, nos ta drenta den e zona masalmente.”
Un ley pasa pa legislatura di California rekeriendo agentenan federal pa mustra nan cara a ser blokea pa corte di districto na comienso di aña, unda un corte di apelacion tambe a dicta contra e medida mas despues.
