Riba dialuna, 13 di juli 2026, e scuadron di Rotacion 51 di Defensa a entrega su tareanan na Rotacion 52 durante un ceremonia militar na Corsou. Capitan Luc a asumi mando for di Capitan Marnix durante e ceremonia tradicional di entrega di rema. E unidad lo entrena y opera den region Caribe durante proximo seis luna.

Mirando back riba un periodo intensivo

Despues di casi cinco luna den Caribe, Capitan Marnix ta wak back cu orguyo riba e desaroyo di e Scuadron Bravo/Stier. Durante e periodo aki, e unidad a realisa entrenamento amplio riba Corsou, Bonaire y Aruba, como tambe na Merca. E soldadnan a traha riba nan desaroyo fisico y metal, liderazgo y habilidadnan militr.

Pa medio di varios ehercicio, e compania a haci progreso den su rindimento como un unidad di combate. E pelotonnan a ehecuta multiple mision, sosteni pa activonan manera francotirador, patruya di mortero y sistemanan no-tripula. E actividadnan di training aki ta contribui na e desaroyo continuo di e soldadnan y e preparacion operacional di e unidad.

Tambe e scuadron a colabora cu militarnan di Caribe (CARMIL) y otro unidadnan bao di Comandante di Forsanan Naval den Region Caribe (CZMCARIB). A pesar di diferencianan den antecedente y metodo di trabao, nan a train hunto y a traha pa garantisa seguridad y stabilidad den e parti Caribense di Reino.

Scuadron nobo ta cuminsa despliegue den Caribe

Scuadron Delta/Ratel di e 44 Batayaon di Infanteria Blinda (Regimento Infanteria Prins Johan Willem Friso) ta participando pa prome biaha den un rotacion Caribense. Capitan Luc ta ansioso pa e periodo binidero y e oportunidadnan pa su unidad train den un clima y tereno diferente.

 

E scuadron ta forma parti di e di 43 Brigada Mecanisa cu sede na Havelte. E unidad normalmente ta opera usando e vehiculo cu wiel ‘Fennek’. Durante su despliegue den Caribe, sinembargo, e enfasis ta primordialmente riba operacionnan na pia. E scuadron ta reforsa cu capacidadnan medico di e di 42 Scuadron Medico y capacidadnan specialisa di e di 11 Batayon Blinda di Ingeniero.

Ademas di ehecuta misionnan pa CZMCARIB, e unidad ta traha riba su propio programa di entrenamento. E meta ta pa sigui mehora e preparacion operacional y prepara pa desplieguenan den futuro.

Ehercito Real di Hulanda tin presencia permanente di un scuadron den Region Caribe. Cuminsando cu rotacion 2026-2, un despliegue ta dura seis luna. Esaki ta reduci e peso logistico y ta permiti e unidad mas tempo pa colabora cu partnernan local y haya un miho comprension di e ambiente local. E scuadron por ser desplega pa diferente tarea bao encargo di CZMCARIB y lo ta entrenando riba Aruba, Bonaire y Corsou durante proximo lunanan.