(AFP) – Nayib Bukele di El Salvador a gana e nominacion di su partido pa postula pa un di tres mandato presidencial despues cu reformanan legal contencioso a habilit’e pa participa den eleccion programa pa proximo aña.
Partido Nuevas Ideas a declara Bukele como su nominado diadomingo laat, despues di gana eleccion interno, prome cu votacion nacional programa pa februari 2027.
El Salvador a haci amienda na su Constitucion multiple biaha desde cu Bukele a yega na poder na 2019, incluyendo abolicion di limite di termino presidencial aña pasa.
E reforma ey tambe a extende e mandato presidencial di cinco pa seis aña, y a elimina segundo vuelta di eleccion.
Na 2022, Bukele a declara un accion contra gang cu a pone den prison aproximadamente 92 mil persona sin orden di aresto.
NGOs ripitidamente a denuncia abuso amplio di derecho den su asina-yama “mega-prison” – incluyendo tortura sistematico y violencia sexual.
E lider di 44 aña di edad, kende su politicanan di man duro a sigura p’e un popularidad domestico amplio, ta bay postula pa eleccion hunto cu su vice-presidente Feliz Ulloa y den ausencia di un oposicion.
Su intentonan pa controla congreso, hudiciario y institucionnan di El Salvador a gan’e un reputacion como autocratico den algun circulo, pero Bukele ta preferi pa estilisa su mes como “e dictador mas cool di mundo.”
