Diamars despues di 3or di atardi central di polis ta wordo informa dor di AC cu un hende homber lo mester a bira malo den lama na Tres Trapi y no ta reacciona. Central ta despacha polis y ambulance di biaha na e sitio.
Na yegada di polis ta bin encontra un par di persona na canto di lama purbando di reanima un persona.
Di biaha nos agentenan policial a sigui cu e reanimacion pa despues e personal di ambulance a yega na e sitio y a tuma e reanimacion over.
Pero lamentablemente despues di basta intento no por a haci nada mas pa e turista hende homber di 51 aña nacionalidad Mericano.
Dokter a presenta como tambe departamento di slachtofferhulp pa brinda e sosten na e famia.
Cuerpo Policial Aruba y Bon Dia Aruba ta manda palabra di condolencia na famia di e fayecido.
