(TMZ) – Michiel Vandeweert, un influencer Belga cu tabata comparti su experiencia ta biba cu un desorden genetico, a fayece.
Michiel su morto a keda anuncia e siman aki pa VRT NWS, cual a comparti un declaracion for di e compania di produccion – Boundbreakers – cu tabata tras di e serie documental “How to Be Alive,” unda el a participa anteriormente.
E tabata diagnostica na un edad chikito cu progeria – un condicion progresivo cu ta haci cu e curpa ta desaroya na un velocidad inusualmente lihe – un desorden genetico poco comun cu historicamente ta asocia cu un largura di bida mas cortico. Actualmente no tin un cura conoci.
E compania a recorda Michiel como un persona cu a haci un impacto duradero riba e personanan cu a topa cu su storia, mientras tambe a extende condolencia na su mayornan, ruman muhe, familiar y amistadnan.
Michiel tambe tabata un sostenedor pasiona di club di futbol Belgca, KRC Genk, ken a dun’e tributo despues di su morto. E club a describi su persona como un figura inspirador y positivo cu tabata un sostenedor leal di Genk y un persona cu tabata brasa bida.
Su conexion cu e club ta anticipa di hunga un rol specialmente importante den su ultimo despedida. Su entiero supuestamente lo tuma luga na e stadion di KRC Genk proximo siman y ta habri pa tur hende bay dispidi.
Erik Gerits – KRC Genk su hefe di comunidad – a bisa cu e ceremonia lo marca e prome biaha cu e club a organisa un entiero directamente riba veld.
Michiel su storia a yega miles di persona via su presencia riba rednan social y participacion den documentarionan, unda el a abiertamente comparti su experiencia y perspectiva tocante bida cu progeria.
E ta laga atras un famia, amistadnan y comunidad yen di sostenedor cu a sigui su aventura.
