Diadomingo mainta Ministerio Publico a publica riba red social un advertencia contra estafanan cu ta bayendo rond via mensahenan di SMS.
E estafanan aki ta inclui mensahenan den Hulandes cu ta bisa falsamente cu e victima mester paga boet regla otro cuenta financiero cu ta instancia. Ademas a splica cu e mensahenan ta dirigi victimanan na website no oficial, por ehempel omarubapasa.ink.
OM ta splica cu e mensahenan aki sa bin di numbernan stranhero cu ta cuminsa cu por ehempel ‘+212…’ y a afirma cu esakinan ta completamente fraudulento. Segun a splica, OM NO ta manda mensahe tocante pago di boet ni ta dirigi ciudadanonan na websitenan cu ta caba cu ‘.ink’. P’esey ta urgi tur esnan cu por a haya e mensahenan aki pa no cay pa e trampa y elimina e mensahe inmediatamente. No duna ningun dato personal y no click riba e linknan duna. Pa cualkier pregunta of dato, e instancia hudicial ta urgi pa tuma contacto pa asina verifica.
Website oficial di Ministerio Publico ta www.omaruba.aw y por yama nan na +297 521-4100.
