Eric van der Burg, Secretario di Estado pa Relacionnan Interior y di Reino, a haci un bishita di trabao na Marinierskazerne na Savaneta ayera mainta, hunto cu prome minister Mike Eman.
Durante e bishita di trabao aki, nan a haya informacion tocante Militar Arubano (ARUMIL) y a combersa cu hobennan di Trayecto di Formacion Social (SVT).
E Trayecto di Formacion Social ta un programa pa hobennan entre 17 pa 25 aña di edad cu no ta bayendo scol of ainda no a haya un rumbo stabiel den nan bida.
SVT a keda introduci na Aruba na 2010 den cooperacion cu Ministerio di Defensa. E prome parti di e programa ta encera training den disciplina militar. Esaki ta tuma lugar na Marinierskazerne na Savaneta, bao guia di oficialnan di ARUMIL.
E bishita di Secretario di Estado Van der Burg na Marinierskazerne na Savaneta ta parti di su bishita di trabao na Islanan ABC. Ademas di Aruba, Van der Burg ta bishita Corsou y Bonaire.
