(Infobae) – Minister di Exterior, Omar Bula, a interveni pa prome biaha dilanti e conseho di seguridad di Nacionnan Uni pa presenta e balans di e gobierno nacional tocante e implementacion di e Acuerdo di Paz di 2016; aki el a revela cifranan critico tocante e violencia y reclutamento forsa di menornan di edad durante 2024.
Durante su speech di casi 18 minuut, e canciyer a afirma cu entre 2023 y 2024 e utilisacion di mucha di parti di structuranan arma a crece cu 54%, registrando un promedio di reclutamento cada 20 ora den e teritorio nacional.
Den e sesion multilateral, Omar Bula, den rerpesentacion di Gobierno di Abelardo de la Espriella, a sostene cu e seguridad publico ta un condicion indispensabel pa logra paz y a expone deterioro di e indicadornan di violencia tras un decada di e firma cu Farc-EP.
E canciyer a señala cu entre juli di 2016 y augustus di 2026 a conta 132.930 homicidio, cerca di 100.000 caso di extorcion y mas di 2.750 secuestro den e pais.
Di mesun manera, a mira cu e structuranan arma ilegal a pasa mas di 6.000 na casi 30.000 integrante, multiplicando y diversificando su ingresonan cu e narcotrafico, e mineria ilegal y trafico di hende.
“Nacionnan Uni a verifica cu e reclutamento y utilisacion di menor di edad pa gruponan arma a aumenta alrededor di 300% den 5 aña, Solamente entre 2023 y 2024, e aumento aki ta di 64%. Na 2024, a verifica e promedio di reclutahe of uso di mucha cada 20 ora. Mi ta ripiti, cada 20 ora, documenta den mas d i326 caso,: e canciyer a declara.
