(AFP) – Polis Aleman ta investigando un hoben di 16 aña y uno di 19 aña pa supuestamente usa un robot pa sexualmente agredi un hoben, y live-stream e acto riba rednan social, fuentenan oficial a bisa dialuna.
E victima, di 16 aña, tabata cu 2 amigo den e ciudad di Cologne fin di diasabra ora cu e robot a acerca su persona, polis a bisa.
E dispositivo, cora y oro, despues supuestamente a mishi e mucha su parti atras y a haci movementonan sexual, nan a bisa.
E hoben di 16 aña, supuestamente e doño, y e hoben di 19 aña aparentemente a “graba e agresion, a stream esaki riba rednan social y a comenta riba esaki,” declaracion di polis di Cologne a bisa.
Un video circulando riba e plataforma TikTok ta mustra un robot humanoide cora y oro, compaña pa dos hende homber, pega riba e mucha muhe ken ta grita y ta hala.
Polis a ricibi alerta y a haya e robot den un auto, unda e doño supuestamente ta sospecha di a sconde e robot.
Autoridadnan a confisca e robot y e dos telefon cu ta pertenece na e sospechosonan, cu awo ta bao investigacion.
