(NLTimes)—Municipalidadnan Hulandes a elogia decision di gabinete Hulandes pa aloca 335 miyon euro pa infrastructura necesario pa construi casi 30,000 cas. E municipalidadnan, incluyendo Alkmaar, Apeldoorn, Hengelo/Enschede y Helmond, ta parti di un inversion mas amplio di mas cu 16 biyon den mantene y renoba caminda, brug, spoorweg y rutanan maritimo.
E municipalidadnan a yama e alocacion “bon noticia pa hende buscando cas y pa desaroyo di nos ciudadnan.” E intencion ta pa e placa haci desaroyonan di cas planea accesibel en bes di paga directamente pa construccion di casnan.
“Cu e contribucion aki, e municipalidadnan por sigui dilanti cu plannan pa mas di 30,000 cas y e caminda, rutanan di bais y conexionnan di transporte publico cu mester pa nan,” e cuatro municipalidad a conta agencia noticiero ANP den un declaracion conhunto.
Na Alkmaar, e financiamento lo yuda paga pa un brug y tunnel pa mehora acceso na barionan nobo anticipa di contene mas di 10,000 cas, segun Gijsbert van Iterson Scholten, consejal di e ciudad. Na Hengelo y Enscehde, e placa lo sostene infrastructura, incluyendo tunnelnan y parking bao tera pa bais cerca di stacion di trein.
Municipalidad di Helmon a yama e inversion un “impulso significante.” Casnan nobo ta planea pa centro di ciudad, districto Stationskwartier, y areanan rondona. Na Apeldoorn, desaroyo di vivienda ta planea den e area conoci como BSK, referiendo na e centro di ciudad, spoorwegen y canal.
