(AFP) – Presidente Mericano, Donald Trump ayera a bolbe culpa inmigracion pa protesta y violencia cu a sacudi Francia den ultimo dianan, urgiendo Europa y presidente Frances, Emmanuel Macron, pa reforsa frontera.
“Loke ta pasando na Francia tin di haci cu inmigracion, no scol, no nada,” Trump a bisa reporteronan na Washington, den un echo di su comentarionan e dia anterior. “Ta inmigracion, y mi a bisa presidente Emmanuel Macron, cera boso frontera.”
Manifestacionnan durante weekend tocante aumento di prijs a tuma lugar na Paris y otro ciudad, degenerando di algun di e pio violencia riba caya cu Francia a mira den añanan reciente.
Trump a recorda un combersacion cu Macron, bisando e “hopi tempo atras, bo ta haciendo un eror grandi na Francia. Bo ta lagando tur hende for di mundo drenta. Henter mundo tabata drentando.
“Paris ta bay ta un ciudad musulman hopi pronto,” e presidente Republicano a agrega. “Si Europa no cera su frontera y saca e criminalnan, manera e hendenan cu ta protestando, Europa a caba.”
Trump a haci combati inmigracion ilegal un promesa central di su campaña di 2024.
