(AFP) – West Hollywood a bira e ciudad Mericano mas reciente cu a crea un registro domestico di partnership cu ta reconoce relacionnan poliamoroso.
E ciudad su conseho di 5 persona unanimemente a aproba ordenansa riba diamars cu ta duna proteccion legal na structuranan di varios famia, un decision cu a bini mientras gran parti di e resto di Merca ta mara den e derota di Republicanonan den e eleccionnan.
Sinembargo West Hollywood, un ciudad independiente di alrededor di 35.000 persona na Los Angeles County, ya caba ta profundamente blauw y bon conoci pa su sosten di relacionnan LGBTQ y estilo di bida alternativo.
Poliamor ta e practica di mantene varios relacion serio y cu consentimento.
E ordenansa a ricibi aprobacion diamars y ta relativamente limita compara cu e derechonan cu bo ta haya cu matrimonio, of e leynan di partnership domestico cu ta existi den varios estado.
Sinembargo registra un relacion poliamoroso cu e ciudad lo permiti cierto persona tin derechonan, incluyendo bishita na hospital of proteccion na vivienda.
Hende cu ta biba fuera di e limitenan di e ciudad di West Hollywood tambe lo por registra, cual ta boga pa speransa cu lo yuda legitimisa nan union hasta si nan propio municipio no ta duna e derechonan aki.
Varios miembro di e publico a entrega comentario na e conseho di West Hollywood isando cu nan ta spera cu e ordenansa nobo lo tin funcion di un model den otro sitionan.
“Como un persona poliamoroso desde 1974, y bibando na Pasadena, California, mi ta gradici pa e Conseho aki su liderazgo den reconoce structuranan di relacion y famia diverso,” Jim Brachter a skirbi den un email cu a manda miembronan di e conseho.
Dos ciudad na Massachusetts, Somerville y Cambridge, a crea registro similar den añanan reciente.
West Hollywood tambe a uni na por lo menos 2 ciudad di California, Berkeley y Oakland, den no permiti discriminacion basa riba structuranan familiar alternativo.
