(infobae) – Agility Robotics, fabricante di robotnan humanoide, a cuminsa riba beurs Nasdaq dia 5 di november bao simbolo AGLT.

Segun declaracion di compania, ta prome compania dedica exclusivamente na e tipo di robot aki cu ta bay publico na Merca. E a haci esaki via un fusion cu un compania di adkisicion.

E transaccion, completa dia 4 di november, a recauda aproximadamente USD 465 miyon bruto entre e fusion y financiamento relaciona, segun Agility.

Esaki ta inclui un inversion priva lidera pa Foxconn y USD 100 miyon ricibi prome cu ciere.

Compania cu Agility a fusiona cu dje, Churchill Capital Corp XI, ta un compania cu no tin operacion propio y cu ta busca cumpra un otro compania, loke ta conoci como un SPAC.

E fusion a ser anuncia dia 24 di juni.

Reuters a reporta e momento ey cu e transaccion a evalua Agility na USD 2,5 biyon. Corant The Oregonian a calcula cu compania lo tin e balor di mercado ey ora e debuta.

Accionistanan actual di Agility y sponsor di Churchill no lo por bende nan accionnan durante 180 dia, aunke por tin liberacion mas tempran si prijs di accion subi.

Con movemento financiero di Agility ta

Cuentanan ta mustra un negoshi cu ainda ta den un fase tempran.

Na 2025, Agility a registra entrada di USD 1,8 miyon y un perdida operacional di alrededor di USD 140 miyon, segun analisis di Ars Technica di e documentonan entrega na SEC, regulador Mericano di mercado di balor.

Den prome mita di 2026, entrada tabata USD 174.000, principalmente for di partinan relaciona, mientras perdidanan a yega na USD 362 miyon, segun TechCrunch.

E publicacion no a detaya di kico e perdida ta consisti.

CEO Peggy Johnson a bisa TechCrunch cu capital recauda ta cubri necesidadnan actual, pero e no a kier pronostica si e lo ta suficiente pa compania por sostene su mes completamente.

Kico ta producto principal cu compania ta ofrece awe?

Caso principal di negoshi ta Digit 5, version nobo di e robot presenta na september.

Agility ta bisa cu e a asegura mas cu USD 300 miyon den ordennan pa varios aña, bao condicion cu compania logra cierto metanan contractual, funcionnan y specificacionnan.

Johnson a splica cu e robot mester cumpli metanan no revela tocante produccion, disponibilidad y precision ora e ta pone obhetonan.

Ars Technica a señala cu e cifra di USD 300 miyon no ta mescos cu entrada garantisa.

Segun e registro, calculo di entrada di subscripcion tabata basa riba un orden di un cliente cu no a ser identifica: 1.000 robot durante tres aña.

Modelo di huur ta cobra aproximadamente USD 25.000 pa robot pa entrega y un tarifa mensual di USD 8.500 pa software y mantenemento.

Tambe por cumpra e robot pa USD 200.000, plus USD 20.000 pa implementacion, cu un subscripcion anual di USD 36.000.

Robot Digit actualmente ta traha cu clientenan manera GXO, Schaeffler y Toyota Motor Manufacturing Canada.

TechCrunch ta bisa cu e ta move cahanan di carga y cu e ya a supera 100.000 movimento den un facilidad logistico di GXO.

Cada proof of concept na facilidad di cliente ta costa USD 500.000, segun e mesun medio.

Agility ta spera cu prome clientenan ricibi Digit 5 den prome mita di 2027 y cu e ser generalmente disponibel pa final di e aña ey.

Johnson a bisa cu prototipo lo ser mustra na CES 2027.

Pakico accionnan tecnologico a baha na Wall Street

Accionnan di companianan tecnologico grandi a sufri un coreccion fuerte despues di resultadonan trimestral cu a bolbe lanta duda tocante si inversion den inteligencia artificial lo genera ganashi na e velocidad cu mercado ta spera.

Amazon a reporta un expansion mas abao cu spera den comercio electronico y a confirma gastonan mas halto den infrastructura di AI; su accionnan a baha aproximadamente 3%.

Intel a cay casi 30% despues di pronosticonan debil pa cuarto trimester, atribui na limitacionnan di suministro y falta di memoria.

E impacto tambe a yega na Philadelphia Semiconductor Index.

Debate ya no ta solamente tocante AI, sino tambe tocante con e ta ser financia.

Aumento den deuda di companianan tecnologico ta preocupa inversionistanan pa motibo di costonan financiero y riesgo pa nan baloracion riba beurs.