Presidente di Merca Donald Trump kisas no lo bay firma acuerdo di medio ambiente cu Paris, dos oficial Mericano ta informa CNN diaranson. Ainda Trump no a duna indicacion si e ta bay forma parti di e trato internacional aki pa locual ta esfuersonan global pa atende cu ‘global warming’.
E decision mester bin e siman aki y por perhudica relacion cu tor otro paisnan na mundo cu a firma e plan di reduccion di carbon na 2015. Si Trump dicidi di no bay di acuerdo, esaki lo por refleha algo totalmente contrario na loke administracion di Obama a haci riba esfuersonan pa medio ambiente (climate change). Oficialnan di Casa Blanca ta bisa cu e plannan por cambia te ora cu Trump haci su decision publico. Trump a Tweet awe: “Mi lo anuncia mi decision di e Paris Accord durante e proximo dianan. Haci Merca grandioso atrobe!”
