(TMZ) – E famoso mansion na Palm Beach unda Jeffrey Epstein a abusa sexualmente di cantidad di su hoben victimanan a keda reduci na pida baranca.
E demolicion a yega 5 luna despues cu desaroyador di real estate di Florida, Todd Michael Glaser a firma un acuerdo pa cumpra e propiedad pa $18.5 miyon. El a priminti di oblitera e mansion di 14mil pia cuadra.
Entrada genera di e benta lo bay na un Programa di Compensacion di Victima, cu lo distribui e fondonan na algun di e victimanan di Epstein. Epstein tabata deteni na un prison federal na Manhattan pa traficacion sexual na momento cu el a comete suicidio den prison na augustus 2019.
Agente di real estate di Palm Beach, Lawrence A Moens a bisa e Palm Beach Daily News cu el a involucra su mes solamente ‘pa sigura cu lo elimina esaki for di mapa di Palm Beach’.
Glaser tin plan pa construi un cas nobo den e comunidad luhoso. E tereno ta alrededor di un miya leu di e resort Mar-a-Lago di Donald Trump.
