(EFE) – Mas di 2.4 ton di cocaina cu tabata pertenece na Clan del Golfo a keda confisca den awanan di e isla Colombiano San Andres, den Caribe, den un operacion conhunto di autoridadnan Colombiano, Merca y Panama, diasabra ultimo fuentenan oficial Colombiano a informa.

Minister di Defensa Colombiano, Diego Molano, a bisa den un declaracion cu esaki ta e “confiscacion di cocaina mas grandi” cu nan a realisa e aña aki na e parti aki di e pais cu tabata wordo mobilisa pa botonan caminda pa Centro America.

A splica cu e placa cu Clan del Golfo ta ricibi -e mayor structura criminal di Colombia cu tambe ta dedica pa mineria ilegal y secuestro- ta wordo utilisa pa financia accionnan contra e poblacion civil y organismonan di siguridad di Estado como Polis y Ehercito.

Durante e operacion a captura cinco persona, cuatro di nan di nacionalidad Colombiano y un stranhero.

Armada Colombiano den un comunicado a detaya cu e contrabanda di 2.407 kilo di cocaina tabata transporta den un boto na area general di Caribe 160 miya nautico di isla di San Andres.

E boto a wordo localisa, danki na e operacion coordina entre un Patruya Maritimo di Armada Colombiano (FAC) y di Panama, asina como un plataforma aereo di Comando Sur di Merca.

E boto y e cocaina, igual cu e tripulantenan, a ser hiba na San Andres y poni na ordo di Fiscalia Colombiano, cu a asumi e investigacion.

Den aña aki, Armada Colombiano a confisca mas di 235 ton di cocaina.

 

 

LEAVE A REPLY

Please enter your comment!
Please enter your name here