(AFP)—A declara e ‘joropo’ di Venezuela—un genero cu ta mescla musica, cancion y bailamento rapido di pareha—como un tesoro cultural intangible di UNESCO.
E tin raiznan indigena, Africano y Europeo y a origina den a ‘llanos’ cerca di e frontera entre Venezuela y Colombia. Ta presenta joropo cu e zonido di instrumentonan incluyendo e harpa, maraca y violin mientras bailarinanan ta draai y nan pareha masculino ta bati pia riba suela den e ritmo rapido di e musica.
E bailarinanan ta bisti shimisnan colorido y hende homber ta bisti bachi y un sombre.
UNESCO a anuncia e designacion na un reunion na New Delhi den cual e organisacion cultural di e Organisacion di Nacionnan Uni (UN) a examina decenas candidato pa ser declara tesoronan cultural intocable.
Venezuela a acepta loke el a yama bon noticia durante un tempo di tension militar cu Merca.
Barconan di guera Mericano ta actualmente para riba costa y ta atacando loke Washington ta yama botonan di contrabanda di droga for di Venezuela. Presidente Nicolas Maduro a bisa cu e meta real di e operacion di Merca, cual a causa miedo di un atake Mericano riba Venezuela, ta pa tumb’e y su regimen.
“Nos merece e felicidad aki, mirando e caos cu nos ta bibando den dje,” segun residente di Caracas Cesar Marcano. “Mi ta contento cu nos cultura ta ser reconoci y mi ta spera cu e pueblo Venezolano dun’e e importancia cu e merece.”
Joropo a ser declara un activo cultural nacional di Venenzuela na 2014.
