(AP) – A diagnostica Justin Timberlake cu e malesa di LYme, segun e ex integrante di NSYNC a bisa riba instagram diahuebs.
Timberlake a comparti e noticia riba un publicacion unda el aconmemora su Froget Tomorrow tour, cual a caba na Turkia diaranson, agregando cu e malesa “por ta sumamente debilitante, ambos mentalmente y fisicamente.”
E cantante di “SexyBack”, ken a describi su mes como un persona priva, a skirbi cu el a considera caba e tour ora el a ricibi su diagnostico, pero a skirbi cu el a dicidi cu e “felicidad di ta riba escenario tin hopi mas peso cu e stress cu mi curpa tabata sinti. Mi ta contento cu mi a sigui padilanti.”
Lyme disease ta transimiti pa e asina yama ‘deer ticks.’ E por causa condicionnan similar na griep, problemanan neurologico, dolor den articulacion y otro sintomanan. Den e gran mayoria di e casinonan, e malesa Lyme ta exitosamente trata cu antibiotica.
“Honestamente mi no sa kico mi futuro riba escenario lo ta, pero semper mi lo aprecia e momento aki! Y tur esnan cu a sucede prome! E ta cos di leyenda p’ami,” Timberlake a publica.
Timberlake a cancela y pospone varios show durante e tour, citando problemanan di salud incluyendo bronchitis y laryngitis. 6 di su shownan Mericano a keda posponi for di october y november pa februari, e cantante a anuncia riba Instagram. Timberlake na final a cancela e ultimo show na Merca a causa di griep den februari.
Representantenan di Timberlake no a responde na peticion pa comentario.
Timberlake a declara su mes culpable na maneha bao influencia na New York Hamptons den 2024. Como parti di su acuerdo di culpabilidad, e cantante a haci un anuncio tocante seguridad publico, unda a urgi e chauffeurnan pa no bay tras di wiel ora nan bay maneha.
E gañado di 10 Grammy a caba e publicacion dunando danki na su casa, Jessica Biel, y nan dos yiu homber Silas y Phin, bisando cu “nada ta mas poderoso cu boso amor incondicional. Boso ta mi curason y mi cas. Mi ta na caminda.”
Tocante e malesa Lyme
Exactamente con frecuente e malesa di Lyme ta surgi no ta cla. Centers for Disease Control and Prvention ta cita recordnan di seguro cual ta sugeri cu 476,000 persona ta ricibi tratamento pa e malesa Lyme na Merca cada aña.
E asina yama ‘deer ticks’ of ‘black-leged ticks’ ta carga bacteria cu por causa e malesa aki.
Tratamento trempan cu antibiotica ta sumamente crucial, pero e por ta dificil pa hende por saca afo si nan a haya mordi, mirando cu algun ta mesun chikito cu un feneta. Si laga Lyme sin tratamento, e por causa otro condicionnan manera artritis y causa daño na tanto e curason como e sistema nervioso. Algun persona tin sintomanan cu ta persisti te hasta despues di ricibi tratamento y den cierto caso recuperacion tambe.
