Fernando de la Rúa, presidente di Argentina entre 1999 y 2001, a muri ayera cu 81 aña, segun e actual presidente Argentino, Mauricio Macri a confirma.

E ex-presidente tabatin varios dia den hospital despues di sufri un fayo di curason y riñon. De la Rua tabata presidente durante un di e pio crisis economico den historia di Argentina.

Dia 3 di december di 2001, meymey di un recesion profundo, gobierno di presidente Fernando de la Rua a impone via decreto e ‘corralito’. E medida aki tabata restringi e retiro di deposito bancario na un cifra di 250 peso pa siman (250 dollar).

E intencion tabata pa stop un fuga di placa di e sistema cu a yega na 20.000 miyon y tabata coresponde pa rumornan di un collapse economico.

De la Rua a forma parti di e lidernan cu a pusta pa e via democratico durante e apenas tres regimen civil, prome cu e regreso cu forsa di e dictadura militar na 1976. El a bolbe na su puesto di congresista na 1983 y tambe a yega di administra Buenos Aires entre 1996 y 1999. Na 2012 el a enfrenta un huicio pa presunto soborno, pero e veredicto a exonera De la Rua finalmente.

 

LEAVE A REPLY

Please enter your comment!
Please enter your name here