Diaranson mainta, alto funcionarionan di Polis di Trafico (KPA) a bishita Minister di Husticia mr. drs. Arthur Dowers. Durante e encuentro, Minister Dowers a ricibi oficialmente e relato anual di 2024 y e relato di e prome seis luna di 2025.
Ademas a papia abiertamente tocante e retonan den area di seguridad y mantencion di orden publico. Pa fortalece e colaboracion y logra progreso structural, a tuma decision pa forma un Comision di Seguridad di Trafico.
Den e comision aki, varios departamento di husticia lo traha hunto di manera structural y duradero pa enfrenta e retonan di seguridad den trafico na Aruba.
