Un cuenta di email di estado di Colorado, cual a ser crea pa reporta sospecha di abuso y negligencia di mucha, a keda sin check pa mas di cuater aña, y awo ta investigando cinco posibel caso cu a keda sin descubri te cu mei, segun oficialnan a bisa.

Minna Castillo-Cohen, director di e Oficina pa Mucha y Famia di e Departamento di Servicionan Humano di Colorado, a bisa cu oficialnan di e agencia tabata desea cu lo por a identifica e casonan aki mas trempan, pero nan no tabata na altura di e existencia di e cuenta di emai, segun KCNC-TV a reporta.

“Ta duna hopi preocupacion cu nos tin cinco cu no a ricibi e nivel di atencion cu nan tabatin mester den un tempo adecua”, Castillo-Cohen a bisa.

E estado a set up un hotline di telefon pa abuso y negligencia di mucha na 2015, y a crea un cuenta di email pa duna sosten na esaki. Poco despues, oficialnan di salud di e estado a crea un cuenta di email nobo pa e hotline cu otro adres, pasobra esun original tabatin un formato incorecto.

Pero despues di e switch, no a elimina e cuenta original, ni a asigna un persona pa monitor esaki.

Ora e cuenta a ser haya na mei, tabatin 321 email den e inbox. Di esey, 104 ‘tabata expresa preocupacion di abuso of negligencia di mucha”, Castillo-Cohen a bisa.

Oficialnan a determina cu cinco caso tabatin mester di atencion inmediato, y awo ta atendiendo cu nan. Tur cinco ta relaciona cu negligencia potencial, no abuso, segun Castillo-Cohen a bisa.

Confidencialidad a preveni e di duna mas detaye, el a bisa. Castillo-Cohen a bisa cu e telefon di hotline ta atendi pa staf tur ora.

 

LEAVE A REPLY

Please enter your comment!
Please enter your name here