Recientemente, Oficina Central di Estadistica, CBS a publica e CPI pa luna di maart ultimo. Den esaki, a informa riba e cambio di prijs di petroleo, utilidad,gasolin y diesel na Maart 2025.
Prijs di utilidad (electricidad y awa), gasolin y diesel ta determina primordialmente door di e prijs internacional di petroleo. Na Maart 2025 e prijs promedio pa bari di petroleo (US$ 68.06) a conoce un caida di US$ 3.50 (-4.9%) compara cu Februari 2025 (US$ 71.56).
Prijs di electricidad y di awa no a cambia compara cu Februari 2025. Consecuentemente, e prijs promedio di electricidad pa vivienda a keda Afl. 263.67, mientras cu e prijs promedio di awa pa vivienda a keda Afl. 168.73.
Prijs di gasolin a registra un caida di Afl. 0.70 cen (-0.3%) na Maart 2025 y a causa un efecto di -0.01 ppt riba e CPI. Prijs di diesel a registra un caida di Afl. 2.10 cet (-1.0%) na Maart 2025 y a causa un efecto insignificante riba e CPI.
Na Maart 2025, utilidad, gasolin y diesel como grupo, tabatin un caida den prijs di 0.1% compara cu Februari 2025 y hunto tabatin un influencia di -0.02 ppt riba e CPI, mientras cu e restante 404 bienes y servicio hunto, a conoce un subida di prijs di 0.5% y tabatin un efecto di 0.40 ppt riba e CPI.
