A yega 70% di cantidad di polis cu mester na Aruba

Cantidad Polis (1).jpg

Minister di Husticia Arthur Dowers ta bisa cu tin hopi mas polis den servicio cu antes. Sinembargo e ta keda limita pa 70% di e cantidad cu mester na nos isla pa motibo di (falta di) placa y destinacion di fondonan.

 

For di tempo cu pais Aruba a lanta, tin un presupuesto traha na cuanto polis Aruba mester. Aworaki a yega na e 70%, segun e mandatario.
“Nunca antes nos no a yega asina tanto. Nos tin mas polis awe pero na dado momento bo ta haya cu e presupuesto a subi hopi mas. Esaki sinembargo ta buta cu e cen ta bay pa diferente otro cos awo y bo ta keda cu cierto limitacionnan.”

“Den e momentonan aki tin 100%  proteccion di nos frontera cu personal 24/7. Claro cu nos tin limitacionnan. Nos no ta e pais di mas rico na mundo pero si tur esfuerso cu a wordo priminti ta wordo cumpli cun’e.” Un otro discusion ta e tema di helicopter cual minister Dowers ta bisa cu nan momento cu tin un presupuesto, lo pone esaki. Na momento ki nan no tin placa poni suficiente pasobra e gasto pa adkiri un helicopter, a subi. ”Actualmente nos no tin e placa ey pero nos ta den negociacion cu diferente partido awo cu porta nan por haci’e pa e presupuesto bieu.” Pues pa e suma cu gobierno a reserva anterior.

 

Cambio di ley pa entrada hudicial
Pa loke ta desaroyonan di e ultimo dianan akinan, Ministerio di Husticia a pidi e presencia di mas polis riba caya. “Esaki tin bastante efecto. Nos ta haci diferente buskeda y efecto di esaki nos ta mira cu varios hende ta bahando man. Esaki no kiermen cu nan ta bay stop, y ta p’esey tambe nos lo sigui cu mas polis riba caya e dianan nos dilanti.”

 

No tur ora e medidanan cu nan ta uza ta duna e maximo resultado of efecto. Pa motibo di esey e minister ta splica cu nan ta haci otro cos, manera cambio di ley pa ta mas efectivo.  Un cambio importante ta cu e kier entrega parlamento ainda e siman aki, ta esun cu ta duna polis e autoridad pa haci un entrada hudicial ora cu tin sospecha cu un hende tin un arma of cu ta confirma cu e persona tin un arma.

 

“Asina ki nos por haci un entrada hudicial mucho mas lihe, anto e ora ey aumenta e posibilidad pa gara nan sea cu e arma eynan mes of pa haya mas informacion.” E procuror general nobo Alexander van Dam tambe a menciona esaki diamars durante un encuentro cu prensa. E ta bisa cu esaki ta un medida cu basta impacto pa ciudadano pasobra ta drenta cas cual ta un invasion grave di privacidad. “Pero nos ta bay haci esaki so momento cu nos tin bon informacion verifica. Polis no ta bay drenta ora tin un sospecho so, nan mester por ehempel informacion cu indicacion fuerte cu tin arma den e cas, pa nan por drenta. Sin no e ta keda e autoridad ta keda den man di fiscal (cu awor ta e caso ainda) pa duna permiso na polis pa drenta.”

You May Also Like

4-11-16accsavanetaheerido (2) (1).JPG

Motociclista a dal riba auto cu a sali su dilanti na Savaneta

Diabierna riba e caminda di Savneta dilanti e negoshi cu ta bende auto a ...

‘Relacion cu Venezuela ta dificil’

Te cu ayera mainta prome minister, Evelyn Wever-Croes (MEP) ainda no tabatin niun notificacion ...

smac.jpg

Te ainda SMAC wardando reaccion di musiconan, festival no ta cancela ainda

Despues cu organisacion Musica a tene reunion ayera nochi cu musiconan, te ainda Smac ta ...

‘Desaroyo Sero Cristal hopi preocupante’

“E trabounan na Sero Cristal ta causa daño na naturalesa cu no ta reparabel, ...

tiramento sabana basora (4).jpg

Tironan a cay na Sabana basora, arma circulando den mannan robes

Diasabra marduga den careda di 12:35 informacion ta drenta cu tin un tiramento na ...

‘Tin masha cos na DIP cu no a bay segun regla’

Den encuentronan cu ‘management team’, ministerio di Infrastructura a pidi informacion riba loke ta ...