E articulo aki ta un resumen riba nivel strategico over e obstaculonan macro-economico, e aspectonan controversial di Innovacion, pero specialmente e oportunidadnan inmenso cu Gobernacion bon pensa na nivel strategico por brinda pa Aruba. E siguiente añanan por brinda un miho calidad di bida pa tur habitante na Aruba.
Na otro banda obstaculonan economico y tecnologico si esakinan no wordo mitiga na nivel Gubernamental por crea un crisis di “Gilded Age” cu den historia ta caba den maneranan sumamente scur. Pero semper sociedad y Humanidad en general a mustra cu por surpasa tur reto. P’esey mi tin un speransa sumamente grandi cu Aruba lo sali mas fuerte di e periodo binidero, pa no solamente un par di hende pero pa full pueblo.
Un Resumen di e Obstaculonan: (Hyper)Inflacion y “The Gilded Age”
Riba un nivel masha basico tin simplemente demasiado debe den sistema economico mundial. Esaki por wordo resolvi den 2 manera fundamental: kwijtschelding of inflacion. Historia economico ta mustra cu den 99% di tur caso, ta kies pa e rumbo di inflacion.
Inflacion ora cu e ta severo genoeg ta beneficia solamente e klasse elite. Esnan cerca di kapitaal barata, esnan educa, esnan mobil economico. Simplemente e “diferencia” entre e klasse elite y e full e resto di pueblo ta crece. Awo diferencia entre klassenan ta algo cu lo tey, pero ora cu e diferencia aki bira demasiado grandi, academiconan ta usa e term “Gilded Age”.
Ya caba nos ta den un “Gilded Age”, esaki lo solamente bira pio, drentando e fasenan final di e crisis di debe mundial. Pa ta duidelijk: E inflacion di e añanan cu a pasa, ta un “appetizer” di loke ta bay bin.
Awo sociedad y su lidernan tin 2 choice fundamental: Grijp in cu policy strategico bon pensa (hopi enfasis riba “bon pensa”) of laga e situacion sigui. Den e delaster caso, esaki eventualmente ta habri e porta pa politica “radical” cu semper ta caba den manera sumamente malo pa tur hende den sociedad. Nos no lo bespreek e detayenan “hopi scur”. Pero vooral nos lo enfatisa e aspectonan kico nos por haci pa preveni esaki. Y crea e futuro briyante cu nos tur kier pa full nos pueblo di Aruba.
The (Innovation) “New Deal” den Siglo 21
E New Deal tawata un set di programanan hopi grandi ehecuta dor di President Franklin D. Roosevelt di Estados Unidos entre aña 1933 pa 1938. Den tempo di su tempo e programa yama “The New Deal”, tawata uno sumamente “radical” cu no a bai facil politicamente. Pero despues di 4 aña di un depresion economico casi na nivel Biblico (“Great Depression”), President Roosevelt a ehecuta e programa economico aki.
E 3 pilarnan tabata:
Baha desempleo cu proyectonan masivo publico.
Bin cu “Safeguards” social pa esnan mas vulnerabel.
Kibra tur klasse di Monopolionan.
Na e momento directo aki nos “no a yega” e punto severo economico ainda cu President Roosevelt a enfrenta, pero pa esnan informa den mundo bancario (in the Information Curve), cu mag di papia nan opinion franco y honesto. Un crisis mundial di debe ta casi sigur, cu tur e gevolgen cu esaki lo trece pa sociedad. Pesey ta ora pa nos lidernan di pueblo cuminsa papia den manera serio y structura over mi proposicion di e “Innovation New Deal” pa Aruba.
Den caso moderno punto 1 pa mi persona ta e mobilisacion di Kapitaal domestico, internacional y di Union Europeo, pa un “revamp” completo y radical di Aruba su economia usando e tecnologianan strategico menciona den publicacionnan anterior den e medio aki y tambe e siguiente listanan di Ark Invest y United Kingdom Innovation Agency.
Na un nivel strategico Aruba por bira un “Hub” den region pa u seleccion di tecnologianan aki.
Pa trece companianan innovativo na nos Isla, brinda trabou na nivel halto y duradero. Y zorg pa full e rikesa cu esaki ta trece wordo parti na full pueblo cu “Entrada Universal”.
Vooral pa tambe usa e tecnologianan innovativo aki na beneficio di full pueblo di Aruba, mane Energia Solar, Casnan 3D Printed, Agricultura di Generacion Nobo, Salubridad di Siglo 21.
Den articulonan mas den futuro nos lo dedica nos mes den manera structura y detaya riba e Revolucion mas grandi tecnologico di tur. Esta “Inteligencia Artificial”. Un topico cu oportunidadnan casi inimaginabel, pero tambe cu hopi peligernan inmenso si e no wordo maneha na un nivel social y “open-source”.
Sintonisa bo na Bon Dia, pa column series “Navigando e Revolucion den Intelligencia Artificial”.
