(AP) – Abuso online y mensahenan di odio contra muhenan politicamente activo na Afghanistan a aumenta significantemente desde cu Taliban a drenta mando den augustus di aña 2021, segun un reportahe publica dialuna.
Afghan Witness, un proyecto di fuente habri opera pa Center for Information Resilience a bisa cu nan a haya cu publicacionnan abusivo a triplica, cu un aumento di 217 porciento, entre juni pa december di aña 2021 y e mesun periodo na aña 2022. Ampliando experticio cu a ricibi durante investigacion similar na Myanmar, e ekipo di Afghan Witness a analisa informacion publicamente disponibel na X, anteriormente conoci como X, y a conduci entrevistanan profundo cu 6 hende muhe di Afghanistan cu lo investiga e naturalesa di e abuso online desde cu Taliban a drenta den mando.
E reportahe a bisa cu e ekipo di investigadornan a “coelcta y analisa mas di 78,000 publicacion” skirbi den Dari y Pashto, dos lenguahe local, dirigi na “casi 100 cuentanan di muhenan di Aghanistan politicamente activo.” E entrevistanan a indica cu a plama publicacionnan abusivo online y a yuda haci e muhenan e victimanan, segun e autornan a informa. E personanan cu a entrevista a reporta cu nan a ricibi mensahe cu material pornografico ademas di menasa di violencia sexual y morto. “Mi ta kere cu e odio cu nan ta mustra riba rednan social no ta diferente na loke nan ta sinti den bida real,” un muhe a conta Afghan Witness.
Vocero di e gobierno Taliban no tabata inmediatamente disponibel pa duna comentario tocante e reportahe.
E reportahe a identifica 4 temanan general den e publicacionnan abusivo; E creencia cu muhenan politicamente activo ta den violacion di normanan religioso y cultural; acusacionnan cu e muhenan ta agente di West y acusacion di haci acusacionnan falso pa busca asilo den exterior. Na mesun tempo, Afghan Witness a bisa cu nan ta haya e abuso online ta “sumamente sexualisa” cu mas di 60 porciento di e publicacionnan den 2022 conteniendo terminonan manera “prostituta.”
“Desde cu Taliban a drenta den mando, rednan social a bay for di ta un luga pa expresion social y politico y a bira un forum pa abuso y supresion, specialmente pa hende muhe,” e proyecto su investigador lider Francesca Gentile a bisa. Taliban a prohibi hende muhe for di mayoria area di bida publico y trabao y a stop mucha muhenan di bay scol mas leu cu 6de klas como parti di medidanan estricto cu a implementa despues di aña 2021.
